Tama UK, Timor Oan Tenki Sosa Visa & Hetan Vistu
SAPNewsTL, Dili : Relasiona ho Timor oan sira ne’ebe buka dalan no Hakarak atu ba servisu iha United Kingdom (UK) tantu ba Hala’o vizita família no Eskola, Obrigatóriamente tenki halo Vistu Molok Desloka Ka Tama ba Nasaun Britániku ka Reinu Unidu
Informasaun ne’e SAP News TL Asesu Liu husi Pajina Facebook Embaixada RDTL- Londres, Ohin loron Quarta Feira, dia 19 de Jullu 2023 katak “Governu Britânico anuncia ho efeitu imediata, sidadaun Timor-Leste ne’ebe hakarak ba Reinu Unidu presiza vistu molok dezloka ba Reinu Unidu, inklui halo vizita”.
Tuir karta ne’ebe anunsia haktuir katak, “Mudansa ida ne’e mosu hodi Hametin no haforsa liu tan Relasaun Entre Timor Leste no Reinu Unidu, Timor oan Tenki Hola visa no Halo Vistu Antes Tama, Nune’e bele garante Seguransa ne’ebe diak ba Sidadaun Sira”. Hakerek iha Komunikadu Imprensa ne’e
Enkuantu, Daudaun ne’e Timor oan Sira ne’ebe planu no Hakarak ba UK barak sei iha hela Portugal tanba seidauk hetan Vistu até Sidadaun balun hetan Karta Mean tanba tenta hodi Tama sein Vistu, Nune’e sira barak sei Kontinua hein no Servisu iha Portugal
Daudaun ne’e Timor oan ne’ebé servisu iha Reinu Unidu por volta de 6.000 ital, Entre Sira balun Hela Kleur tebes Ona durante tinan Sanulu Resin no Balun kontinua fasilita nia familia sira Liliu fen no oan hodi ba Moris iha UK
Jornalista: Marcela Mery da Costa