ESG 04 Setembru Hahú Prosesu Ensinu, Manorin Husu Kanorin Tenki Estuda Badinas

Imajen Inervista Diretor ESG 04 de Setembru Martinho de Menezes, iha nia kna’ar fatin Balide, Dili  segunda 30/01/23

SAPNewsTL, Dili: Escola Sekundario Geral (ESG) 4 de Setembro Dili  komesa ona aprendizajen  ne’ebe estudante fahe ba tempu dader no loraik, Diretor Eskola EGSG 4 Setembru husu kanorin sira atu estuda makaas liu tan hodi desenvolve kunhesimentu ne’ebe kroat no klean liu tan ba futuru

“Escola Secundario Geral  4 de setembro Dili hahu aula normal ona ka la’o los ona, ami fahe ba dader no loraik ne’ebe sura sala hamutuk 54, husi klase 10 , 11 no 12  ba estudante siensia teknolojia  no siensia sosiais ” hatete Diretor ESG 04 de Setembru Martinho de Menezes, iha nia kna’ar fatin Balide, Dili  segunda 30/01/23.

Diretor hatutan, uluk 2021 sira barak liu, ne’e sala ida estudante hamutuk 70 to’o 80  maibe depois atu ba klase 11 no ba 12, estudante menus oituan ona ba sala ida  estudante 50 to’o 60 ba 11°ano tanba balun la pasa no balun sai husi eskola, tanba ne’e total estudante iha  maizu menus 4.000  resin ne’ebe numeru ne’e sira toman tiha ona la’os foin hasoru ida ne’e no agora numeru ne’e tun lahanesan tinan sira seluk, hare’e deit fali ba estudante sira nia badinas hodi estuda atu bele pasa karik sira la estuda eskola sei la fo pasa.

Martinho  husu ba estudante sira ne’ebe hala’o estudu iha ESG 04 de Setembro husi klase 10 to’o 12  agora  prosesu aprendizajen la’o ona ne’ebe tenke badinas estuda, labele falta hodi bele dezenvolve ida-idak nia futuru

Entertantu,  ESG 04 Setembro Dili nia estudante daudaun ne’e total  maizu menus 4.000 no profesor sira 112 husi permanente,  kontratadu no voluntariu.

Jornalista : Aquelina Mangalhaes