Eskola Marcelo No.2 Comoru Halo Despedida Ba Estudante Klase 6
Imajen Despedida entre alunus ho profesores sira iha Comoru, 02/12/2022. Foto : Esperansa Soares
(SAP News TL) DILI : Eskola Ensino Basico Marcelo No 2 Comoro hamutuk 93 hala’o despidida ba estudante klase tinan 2022 ho tema “ami mak kontinuador ba futuru rai ne’e nian”, Tuir Diretora Eskola Ensino Baziku Marcelo 02 Comoro Leocadia de Jesus haktuir edukasaun ida ne’ebe diak mak laos husi eskola de’it maibe husi uma laran
“Ami halo ona despedida ba estudante klase 6 tinan 2022 ho nia tema ami mak kontinuador ba futuru rai ne’e nian maibe ami fo nafatin korajen espiritu ba inan aman sira tanba edukasaun ida ne’ebe diak mak laos husi eskola de’it maibe husi uma laran, parte rua ne’e tenki servisu hamutuk no kolaborasaun diak mak lori ita nia oan sira ba futuru ne’ebe mak diak, durante apredijajen la’o mos ami sempre fo motivasaun ba sira katak ita nia oan sira mak futuru kontinuador ita nia nasaun nian, ami nia estudante ne’ebe remata ona sira nia estudu iha Eskola Ensinu Baziku Marcelo 02 Comoro, Dili hamutuk nain 93”, dehan diretora Eskola Ensino Baziku Marcelo 02 Comoro Leocadia de Jesus ba jornalista sira iha Kampug Baru, Dili Sexta (2/12).
Diretora akresenta, Tanba ne’e fo hatene ba inan aman sira katak tinan ne’e estudante sira liu 100% ne’e la hatudu katak sira matenek liu maibe inan aman bele akompaña sira nafatin atu nune’e sira bele kontinua sira nia estudu iha futuru no sira agradese ba inan aman sira ne’ebe mak fo fiar ba sira hodi hanorin sira nia oan sira durante tinan neen nia laran to’o ohin loron saida mak sira aprende ona bele aumenta sira nia kapasidad nune’e sira bele sai estudante diak.
Imajen Intervista diretora Eskola Ensino Baziku Marcelo 02 Comoro Leocadia de Jesus
Iha fatin hanesan profesora Amelia Kuhu dehan, agradese ba diretora eskola ho estrutura hotu no susesu nafatin hau nia estudante sira hotu hodi kontinua nafatin tuir mai tanba Timor-Leste hein hela sira nia matenek
“Agradese wain ba ami nia diretora eskola ho nia estrutura hotu no sucessu nafatin ha’u nia estudante sira hodi kontinua ba etapa tuir mai maske liu husi prosesu nia laran maibe labele baruk atu kontinua nafatin nune’e bele hasa’e konesimentu nian iha futuru kontinua estuda no aprende makas liu atu nune’e ba futuru diak liu tanba Timor Leste mos hein sira nia matenek”, tenik Amelia
Manorin ne’e mos husu estudante sira ne’e katak nasaun sei presija sira iha futuru no agredese mos ba profesor sira ne’ebe mak durante ne’e fera kakutak ba estudante sira aprende hahu husi inisiu to’o remata, husu inan aman sira kontinua korajen no servisu hamutuk tanba edukasaun ida ne’ebe di’ak husi Uma laran no sai ba iha liur
Jornalista : Aquelina Mangalhaes & Esperansa Soares
Editor : Ekipa Editorial