Estudante UNTL Ezije Direitu, Reitor UNTL Rekunhese, Husu MESSK Aumenta Fasilidade

SAPNewsTL, 09 Junho 2022 : Estudante Assosiasaun Fakuldade Edukasaun Arte no Humanidade (FEAH) no Fakuldade Siensia Sosiais halo asaun pasifiku ezije sira nia direitu kona ba menuz fasilidade, Kartaun Estudante, Almamater, no Manual estudante, Magnifiku Reitor UNTL João Soares Martins hateten ami la fo sala so ke maneira halo demonstrasaun ne’e mak ha’u trizte uituan porque, talvez sira bele komunika mai, ita la resolve ona maka foin bele halo demonstrasaun

Tuir estudante Teofilo dos Santos Periera hateten halo asaun pasifika ida ne’e akontese tanba nain hirak sente durante sira nia prosesu aprendizagem ne’ebé maka la suporta liliu fasilidades, sala de aulas, almamater, Kartaun estudante no manual estudante

ʺFaculdade Ciência Sociais iha sala de aulas ne’ebé maka la ho volume ne’ebé boot atu akumula estudante ne’ebé barak por exmplu iha departamentu ida ho estudantes 100 e tal entaun volume sala de aulas ruma mak la to’o labele garantia katak prosesu aprendizagem ne’e lao ho di’ak, projetor la iha, livru ne’ebé maka iha la to’o atu bele koresponde ba volume estudante, kartaun estudante laiha״. Tenik estudante Teofilodos Santos Periera, iha kampus sentral UNTL, 08-06-2022

Entretantu Estudante Constansia de Araujo husi Fakuldade Edukasaun husu Universidade atu devolve sira nia osan tanba orientasaun liu tiha ona, nia mos husu atu hadia fasilidade inklui sala de aulas la suffisiente

 ʺOrientasaun remata tiha ona maibé manual do aluno estudante seidauk hetan entaun ami ezije universidade atu fo fila fali estudante sira nia osan, osan ne’ebé maka estudante sira recolha ba iha manual da orientasaun 4 dolares kada ema ida, ami nia faculdade laboratorium la iha, iha faculdade educasaun hanesan siensia matematika, físika, kímika ne’e laboratoium ne’ebé maka limitadu tebes ba estudante sira״. Dehan Constancia de Araujo

Entretantu, Magnifiku Reitor UNTL João Soares Martins sente  trizte uituan porque, talvez sira bele komunika mai, la resolve ona maka foin bele halo demonstrasaun, maibe tanba joven sira ran manas, entaun bele kompriende sira

ʺOrseik Estudante sira halo demonstrasaun halo ezijensia lubuk ida ke relevante tebes, ami la fo sala so ke maneira halo demonstrasaun ne’e mak ha’u trizte uituan porque, talvez sira bele komunika mai, ita la resolve ona maka foin bele halo demonstrasaun ou sira bele halo uluk demonstrasaun ba estrutura fakuldade, quandu sira la resolve ona mak foin bele mai iha ne’e״. Tenik Reitor UNTL João Soares Martins hafoin enkontru ho assosiasaun FEAH no Fakuldade Edukasaun iha Kampus Sentral, 09 Junho 2022

Reitor ne’e akresenta ba oin bele hadia komunikasaun para bele resolve problema sira ho diak, iha prolema pertinentes barak ke sira hato’o ne’e razoavel ke presiza atensaun laos husi universidade deit

ʺKuandu ami hato’o proposta ba guvernu, iha anu 2022, ami nia proposta 3.335 maibe selesaun ne’ebe mak Komisaun KAES no Ministériu  envia mai 6.007, ne’e implika katak presiza fasilidade salas de aulas no professores, quer dizer ita simu estudante la koresponde ba fasilidades no rekursu ne’ebe ita iha, Ne’e nu’udar pontus importante teb-tebes laos deit ba UNTL, mas Minisériu Ensinu Superior no Parlamentu Nasional tenki tetu, tinan oin atu envia estudante barak tenki aumenta fasilidade״. Nia fundamenta

Enkuantu, kona ba buat atrazu tekniku sira ne’e, sira rekunhese porque parte aprovizionamentu tenki halo processu de tenderizasaun ne’e tenki tuir regras aprovizionamentu, buat sira ne’e mak kauza atraza kona ba Almamater, kartaun estudantes ou buat balu ne’ebe mai husi liur tenki hein uituan, entaun buat balu presiza melhoria processu administrasaun iha laran

Jornalista : Aquilina Casimeiro da Silva

Editor       : Marzinha Patricia Hornay