CNC, C25 No MJED Lansa Livru Rua, Aurora: Livru Ne’e Rai Ba Imi Jerasaun Foun
SAPNewsTL, 09 Junho 2022 : Diretor Executivu Centru Chega (CNC) Sr. Hugo Maria Fernandes hamutuk ho Vice Ministro Educasaun Juventude e Desportu halo Lansamento ba livru rua, Eskritor Sra. Aurora Assunsaun Sarmento Quintão hateten Livru ne’e hakerek rai ba imi jerasaun foun atu lee no hatene istoria luta Timor nian
Tuir Hugo Maria Fernandes hakerek história hanesan dalan ne’ebe diak hodi dokumenta regista memoria sira iha passadu, iha mos rekomendasaun husi Centru Nasional Chega hateten hodi halo esforsu, tenki iha maneira atu fo biban ba ema sira ne’ebe mak kontribui ba iha luta ukun rasik an ne’ebe husik hela sira nia memoria
“Responsabilidade ida ne’ebe mak centru chega nian iha, ida ne’ebe mak estadu hari’i atu halo rekomendasaun ba relatorio ne’ebe mak sentru chega nian iha,”dehan Diretor Ezekutivu centru chega Sr.Hugo Maria Fernandes ba Jornalista sira iha salaun CNC Balide, Quinta-Feira( 09/06).
Entretantu, Hugo Akresenta Iha tinan ida ne’e sira sei lansa tan livru ida i laos iha tinan ida ne’e deit maibe iha mos fulan ida nee sei lansa tan livru ida iha loron 20 Juñu ida ne’e, livru hirak ne’e sai hanesan dalan ne’ebe mak fasil atu fasilita ita nia timor oan sira ne’ebe mak perfere hodi atu lee livru refere. Nia informa
“Iha dezembro centru chega lansa livru iha Municipio Baucau livru ne’e Sr. Paul Amaral Pragu i Livru ho nia titulo ho naran A memoria da guerra 1975&1978 no atu halo livru ida sai hanesan memoria ida hodi husik hela ba ita nia jerasaun foun sira hodi lee no hateten ita nia luta nain sira nia memoria durante iha ai-laran״. Deklara nia
Iha fatin hanesan, Eskritor Livru Sra. Aurora Assunsaun Sarmento Quintão (Keunahak) hateten nia hamutuk ho Saudozu Sr. Alberto da Costa (Bua) ne’ebe mak hakerek livru ho nia titulo Ha’u nia dalan ba Libertasaun no A Minha Memoria, livru rua ne’e mak ohin halo lansamentu hamutuk ho centru chega. Nia Informa
“Hamutuk ho Sr.Jose Lobatu hodi halo introdusaun ba livru rua ne’e maibe ohin Sr.Jose Lobatu la marka iha ne’e hodi halo introdusaun ba livru refere, Sra. Aurora Assunsaun Sarmentu Quintão ho Sr. Alberto da Costa (Bua) iha inisiativa rasik atu hakerek livru ida ne’e atu husik hela ba ita nia oan sira no ba joven jerasaun foun sira hodi hatene istoria loloos husi luta nain sira nia memoria durante iha ai laran,” nia informa.
Enkuantu, Livru ne’e hakerek iha tinan lima nia laran, livru ne’ebe kria ne’e ho nia kuantidade husi Sra. Aurora Assunsaun Sarmentu Quintão(Keunahak) hamutuk livru atus ida (100) i husi Saudozu Sr. Alberto da Costa(Bua) nian ho nia kuantidade 100 livru.
Jornalista : Lidia Amaral