Traballador 66 Asina Akordu Ba Korea, Diretor SEFOPE Husu Servisu Ho Disciplina

Dili-Diretor Geral Sekretaria de Estadu Formasaun Profisional no Empregu (SEFOPE) João das Neves hala’o serimonia despedida no asina akordu hamutuk ho familia traballador no traballador nain 66, Diretor João das Neves husu Traballador sira atu servisu ho responsabilidade no hatudu disciplina nu’udar representa Estadu Timor-Lesteiha Korea do Sul

       Iha Diskursu Diretor Geral Formasaun Profisional Emprego Sr.João das Neves hateten iha tempu badak Trabalhador Timor Oan nain neenulu resin-neen (66) sei aranka tan ba Korea Sul hodi servisu iha area Peskas

“Ha’u nu’udar Xefe Gabinete iha SEFOPE hakarak husik hela mensagen ba alin trabalhador sira ne’ebe mak iha tempu badak sei aranka ba Korea Sul ba servisu iha ne’eba representa estadu, representa governu Timor-Leste hodi servisu iha ema nia rain, husu ba inan aman sira atu halo orasaun, reja ba sira atu nunee sira saude diak nafatin, nune’e servisu ho diak bele hadia Economia familiar”.  Dehan João das Neves iha Hotel Timor Lodge, Dili, 09/06/2022

Diretor ne’e husu ba trabalhador sira labele hases an husi sistema ne’ebe Governu Timor-Leste aplika ba trabalhador sira hodi labele implika oportunidade ba joven sira ne’ebe sei hakarak ba servisu iha Rai Korea.

“Husu ba alin sira labele  halai sees husi sistema hodi nune’e ita boot sira labele taka fali dalan ba ita nia joven, kandidatura sira neebe agora dadauk sira mos  prepara hela atu ba Korea Sul  tanba ita boot sira representa estado, hatudu ita boot sira nia disciplina, hatudu ita boot sira nia atitude nu’udar Timor oan no mos sidadaun ne’ebe mak diak tenke submete ba ema nia regras ne’ebe estabelece iha Rai Korea do Sul”. Neves esplika.

Entretantu, Diretor Nasional SEFOPE Filomino Soares hateten governu la obrigadu trabalhador sira hodi servisu iha Rai Korea, Governu kria kondisoes hodi fo oportunidade ba joven sira, familia trabalhador hamutuk ho governu halo konkordansia hodi toma responsabilidade, bainhira iha problema ruma.

“Objetivu ba loron ohin ida ne’e, familia sira atu mai iha ne’e ita hotu-hotu tuur hamutuk atu bele halo konkordansia entre familia no mos parte governu nia tanba ita hotu-hotu iha responsabilidade, familia mos iha responsabilidade 50%  apoio ba nia oan no katuas oan iha parte governu mos apoio 50%  ba sira״. Dehan Filomeno Soares

Nia akresenta, kria kondisões ba sira atu bele servisu iha rai ne’eba husi parte rua ne’e hotu-hotu iha responsabilidade mai iha ne’e hodi hamutuk halo aseitasaun ida katak ha’u pronto ona atu husik ha’u nia oan ou hau nia katuas oan atu sai husi Timor ba servisu iha Korea laos governu mak obriga, governu kria kondisoes. Tenik nia.

Enkuantu, traballador nain neenulu resin-neen (66) ne’e sei desloka ba korea do Sul iha Loron 13 semana oin (13/06/2022).

Jornalista : Absalão da Costa Lopes