EUA Prontu Apoia SEPC Kombate Dezastre Natural Iha Timor

SAPNewsTL, Dili: Secretario Estadu Protesaun Civíl (SEPC)Domingus Mariano dos Reis ,hatete Ohin hala’o sorumutuk ho Embaixador Estados Unidos Amerika (EUA) nian iha Timor-Leste,liu husi Direktur Interinu Mark Anthony white,hodi diskuti Kona-ba iha tempu badak,Estados Unidos Amerika sei apoiu orsamentu ba Autoridade Protesaun Civil (APC) , liu-liu bainhira hasoru dezastre ruma iha Timor-Leste.

Tuir Secretario Estadu Protesaun Civíl (SEPC)Domingus Mariano dos Reis informa pontu importante atu halo kolaborasaun entre Estadus Unidos America ho construction civil Timor-Leste nian atu haree ba futuru oinsa atu kapasita rekursu humanu entermus de prepara responde no rekuperasaun ba vitima dezastre sira.

“Pontu importante ne’ebe mak ami halo kolaborasaun entre Estadus Unidos Amerika ho Autoridade Protésaun Civil (APC)Timor-Leste, ne’e atu kolia Kona-ba oinsa atu kapasita rekusus humano nune’e bele prepara hodi responde ba vitima dezastre sira iha Timor-Leste”. Informa Sekretariu Estadu Protesaun Civíl (SEPC) Domingos Mariano dos iha Edifísiu (SEPC) Kaikoli-Dili kinta 18/01/2024

Governante ne’e salienta, Estadus Unidos Amerika,iha komitmentu bo’ot liu husi IOM,sei apoiu 1.2 milhões dolares, ba Autoridade Protesaun Civíl (APC),hodi nune’e belé responde bainhira akontese dezastre sira iha Timor-Leste.

“Estados Unidos Amerika sira deklara ona katak sira iha komitmentu bo’ot wainhira dezastre akontese iha Timor Leste, sira sei apoiú IOM 1.2 milhões dolares nune’e bele apoiú Aútoridade Protésaun Civil (APC) atu nune’e bele redus numeru dezastre iha Teritoriu Nasional”. Tenik Secretario Estadu Protesaun Civíl

Governante ne’e mos akresenta Governu Amerika, mos sei apoiu tan 500 mil dólares, ba Autoridade Protesaun Civíl, liu-liu husi kapasitasaún rekusus humanos , nune’e bele fo treinamento ba Funsionario sira,atu nune’e bele kapasita diak liu Funsionario sira kuinesementu iha area dezastre ninian bainhira akontese iha Teritoriu Nasional.

“Iha ne’e ita haree embaixada America iha komitmentu boot atu apoiu Timor-Leste bainhira deklara kalamidade ba dezastre katastrofu ne’ebe maka akontese iha teritoriu Timor-Leste, i sira iha komitmentu sira apoiu IOM 1.2 miloes dolares husi IOM para bele apoiu autoridade konstrusaun sivil i sira mos sei apoiu 500 mil dolares americano apoiu ba kapasita rekursu humanu internu de treinamentu nomos sei apoiu ai-han bainhira Ita mosu dezastre naturais”. Nia salienta

Sekretariu Estadu ne’e afirma Timor-Leste agora dadaun prepara hela atu responde ba emerjensia Timor-Leste agora dadaun nia profael hela kada munisipiu ida ba pakote emerjensia por Volta minimu kada munisipiu depende armajen ne’ebe iha minimu 200 pakote, mais iha munisipiu ne’ebe iha armajen ne’ebe diak sira profael 500 pakotes kada munisipiu ho ida-idak responde ba emerjensia ne’e no depois sira prepara mos apoiu rekuperasaun ba vitima sira bainhira mosu dezastre iha Timor-Leste

“Ita iha kategoria rua ai-han no la’os ai-han, ida ai-han ne’e maka fós, supermie, mina, susuben, ikan,kafé uut, nomos ai-han baziku sira ne’ebe atu apoiu ba vitima sira ne’ebe bainhira mosu dezastre naturais, segundu laos ai-han hanesan terpal, bikan, kanuru, tasu, sana, nst, ne’e maka pakote dapur nian ne’ebe maka bele apoiu ba vitima sira bainhira sira hetan dezastre naturais ne’ebe afeta ba sira nia moris”. Nia sublina

Lideransa APC ne’e haktuir iha nia mandatu sei tau prioridade ba prevensaun dezastre naturais iha Timor Leste.

“Iha ha’u nia mandatu tau prioridade liu ba prevensaun oinsa atu bele promove no poupansa ba orsamentu jeral do estadu ne’ebe tinan tinan sempre aloka 15 milloes dolar para rekuperasaun hodi apoiu emerjensia ida ne’e, iha ha’u nia mandatu sei halo redusaun ba eskola sira nia alvu tarjetu ba estudante sira oinsa estudante bele hatene no oinsa estudante iha esperensia, Komunidade tenke iha konsensia kuda ai horis, halo jestaun lixu ne’ebe diak atu labele mosu intupidu iha valeta sira kuandu udan bo’ot iha Dili laran be’e sa’e”. Nia konta

Jornalista : Marciana da Conceiçao & Dircia Baptista Belo