Falta Manutensaun Ba Náviu, Instituisaun F-FDTL Deside Desmantela No Entrega Ba Estadu
SAPNewsTL, Dili: Iha loron 11 Fulan Setembru 2010, Governu Corea do Sul oferese ró tolu atu ajuda komponente naval no Unidade Polísia Marítima (UPM) hodi hala’o misaun iha institusaun F-FDTL, Kapitaun do Mar e Guerra Higino das Neves hateten Ró falta Manutensaun, ohin Ministru Defeza no Xefe Estadu Maior hamutuk ho komponente naval deside tenki desmantela
Tuir Kapitaun do Mar e Guerra Higino das Neves hateten Ró tolu ne’e governu simu iha tempu ne’ebá, entaun sira entrega rua ba Unidade Polísia Marítima (UPM) no hela ida hamutuk ho komponente naval.
“Ró kuandu to’o, la to’o semana ida nia la konsege halo operasaun tanba iha difisiénsia ró ne’ebé tuan ona kuandu simu hosi governo Corea tanba ita Timor ladun iha kultura manutensaun i ida ne’e até agora ita hare’e katak ró ne’e para deit”. Dehan Kapitaun mar e guerra Higino das Neves ba jornalista sira iha Portu Dili,sexta(22/07/2022).
Nia hatutan, ministru defeza no xefe estadu maior hamutuk ho komponente naval deside tenki desmantela tanba ne’e sira desmantela tiha ohin no sei entrega ba patrimoniu estadu
“Ro’o ne’e kuaze tinan tolunulu(30) ona ninia kapasidade ekonomia lá bele ona ho nune’e mai to’o iha ne’e ami la konsege uza ba halo misaun saida deit no paradu hela deit to’o agora,nia halo manutensaun dala ida deit iha tempu komandante Jacki nian maibé osan la sufisente nune’e manutensaun ida ne’e la efetivu”.Tenik nia
Nia informa Ró Xina ne’ebé mak hola hanesan Ró Jaco no Betano ne’e mós ba halo manutensaun dadauk
“Pratikamente ita nia ro’o lá iha agora fo ba komponente naval atu halo missaun no pratikamente durante nia ko’alia ne’e sira hotu-hotu hasa’e hela manutensaun, seidauk iha ró ida ne’ebe halo operasional para bele halo operasaun so deit lar rua husi Australia maibe ba liu iha treinu nian, treinu nian ne’e lar ki’ikoan ida rua ne’ebé agora iha komponente maibé ró hotu- hotu agora paradu hela desde nia seiduak asumi knar.Nia hakotu
Jornalista: Conzita Mota & Justino de Jesus Soriano