SEII Defende Sosiedade Inkluziva, Francisca Dejafia Feto TL Hola Parte Iha Polítika

SAPNewsTL, Dili : Diretora Nasionál ba Desenvolvimentu Jeneru-SEII (DNDJ-SEII), Francisca de Sousa Partisipa Iha Programa Pratika Prevensaun Violénsia Bazeia Ba Jeneru Iha Komunidade, Ho Tema ‘Hamri’ik Koalia Hapara Violensia Agora’, Francisca de Sousa hateten iha lei oin ema hotu hanesan, labele iha diskriminasaun ida ba ema ida

Hafoin Diskursu Direktora Nasional hateten, Sekretario Estado Igualidade  no Inkluzaun sei responsabiliza ba Asuntu Igualidade  no Inkluzaun iha sosiedade Timor-Leste

“Sekretaria Estado Igualidade Inkluzaun nu’udar instituisaun Governo ida ne’ebe sai mos hanesan makina estadu, ho nia papel sira hanesan, halo advokasia, implementa no avalia estratejia sira hodi promove igualdade jeneru liu husi halakon  diskriminasaun no violénsia oi-oin hasoru feto no labarik feto sira no mos grupu risku oi-oin hanesan komunidade LGBTIQ komunidade ema ho defisensia, no familia vulneravel sira”. Dehan Diretora Francisca de Sousa ba jornalista sira iha Resinto Policia Becora, Sesta-Feira. (22/07/2022).

Tuir Nia, Sekretariu Estadu mos iha programa hakbi’it feto iha ekonomia no mos transferénsia fundus liga ba hapara violénsia bazeia ba jeneru no violénsia doméstika

Diretora Nasional ne’e mos esplika, fundus ida ne’e loke ba ema hotu liliu vulneravel sira, familia LGBTIQ, karik iha grupu sira kreatividade sira ida ne’e, ema hotu-hotu iha direito hanesan tanba lei konstituisaun RDTL iha artigu 16 hateten sidadaun hotu iha lei nia okos.

“Iha direitos umanos iha artigo ida dehan katak ema humanu hotu-hotu moris mai ho livre no iha dignidade no direito ne’ebe hanesan, iha ita nia konstituisaun RDTL artigo 16 ne’ebe dehan sidadaun hotu-hotu hanesan iha lei nia okos iha direito hanesan ho mos obrigasoens hanesan ne’e dehan katak laiha diskriminasaun hasoru ema ida”.

Tuir esplikasaun husi Diretora Nasional ne’e katak, sekretariu estadu igualdade no inkluzaun partisipasaun feto mai husi grupo oi-oin no grupo LGBTIQ no mos enkoraja no empodera  atu bele partisipa iha eleisaun parlamentar, eleisaun munisipal no eleisaun suku ne’ebe sei realiza iha tinan oin.

“Aliende hakbiit feto iha ekonomia sei mos haforsa partisipasun feto iha politika ne’ebe mak asegura hela partisipasaun feto potensial sira mai husi grupo oi-oin, mai husi grupo LGBTIQ, mai husi ema ho defisiénsia ami enkoraja no ami empodera atu bele partisipa iha eleisaun ne’ebe mak sei akontese iha tinan oin mai, ita iha eleisaun tolu, eleisaun parlamentar eleisaun munisipal no mos eleisaun Suku, espera katak ita nia feto maluk sira mai husi grupo oioin bele partisipa eleisaun sira ne’e liu husi formasaun”. Hakotu nia

Jornalista: Vinsensius Morais Araujo