SEJD Dejafia Atleta TL Ba Tailándia, Bá Ho Orgullu no Fila Lori Rezultadu
SAPNewsTL, Dili : Sekretariu Estadu Juventude no Desportu (SEJD) hamutuk ho Federasaun Akadémika Desportu Timor-Leste realiza serimonia ofisial ba atleta Timor oan nain sanulu resin-rua ba Tailándia, Sekretariu Estadu Juventude np Desportu Abrão Saldanha hateten imi ba atu kompete no lori rezultadu la’os atu harame de’it
Tuir Prezidenti Zeferino Viegas Tilman hateten tuir lolos eventu Internasional ne’e realiza iha 2020 maibe la konsege tanba kovid mak muda mai iha 2022
“Atleta sira hamutuk sanulu resin rua (12), feto rua (2) husi Taekwondo, Feto Nain tolu (3) husi Aseleno Games inklui treinador ba atletismu, nain haat (4) ba Voleiból Praia, Mane rua, Husi Aseleno Games treinador nain haat (4), modalidade haat ne’e iha mos ofisial nain rua (2) Xefe delegasaun ida nomos Vise Xefi delegasaun ida ho Tezoreiru”. Tenik Prezidenti Zeferino Viegas Tilman ba Jornalista sira iha SEJD, Lecidere, 21/07/2022
Enkuantu Sekretaria de Estadu Juventude no Desportu Abrão Saldanha hateten prezensa Timor Leste iha eventu internasional ida ne’e atu kompete la’os atu harame de’it eventu ida ne’e
“Ita bele partisipa no kompete la’os atu hatudu no harame de’it eventu ida ne’e mas ita hein katak bele lori rezultadu ne’ebe di’ak ba ita nia rain. Ita hein katak ita bo’ot sira nia naran sei tama iha rekor mundial, tama iha rekor master sira bele tama iha rejistu internasional sira. ita hotu nia orgullu hanesan Timor Oan, 1.5 milloès populasaun no orgullu Bandeira Timor Leste nasaun tomak nia orgullu iha ita bo’ot sira ninia kabas.
Enkuantu, Ekipa aranka ba Sidade Tailándia iha dia 22/07/2022 orseik, no sira sei fila iha dia 07 de Agusto sai husi Tailándia mai Timor Leste.
Jornalista : Aquelina Taec