Ferik & Katuas Ho Idade Avansadu Obrigadu Forma no Dudu Malu Iha Notariadu Baukau
Imajem Komunidade sira forma no dudu malu molok submete sira nia dokumentu hodi trata Billete de Identidade no Sertidaun de Nasimentu iha Notariadu Baukau, 19/01/2023
SAPNewsTL, Baucau – Iha ambitu trata dokumentu sira hanesan billeti indentidade, no sertidaun RDTL ne’ebe akumula ema barak kada loron iha nptariadu Baukau, Sidadaun Santiago Moreira haktuir sistema ne’ebe parte notariadu Baukau uza la kondiz tanba komunidde barak liliu ferik ho katuas sira obrigadu tenki forma no dudu malu molok hatama dokumentus
“Tuir ha’u haree kondisaun atu trata dokumnetu bellite identidade no sertidaun RDTL, sistema ne’ebe Sira uza iha notariadu baucau ladun kondiz ho diak tamba ita hare ema barak mak husi postu Administrativu mai toba iha loron 2 ou 3 tanba sistema ne’e ladiak, tanba ami forma ho ema balun kondisaun ladun diak hanesan moras, ferik, katuas sira ne’ebe mak idade avansadu sira tenki obriga an hodi forma no dudu malu molok submete dokumentus”. Dehan joventude Munisipiu Baucau Santiago Moreira ba jornalista SAPNewsTlLliu husi via telefone iha loron Quinta Feira ( 19/01/2023)
Santiago husu ministeriu Justisa liliu parte notariadu munisipiu atu bele loke fazeadamente ba kada postu administrativu sira hodi fo espasu ba komunidade sira hodi trata sira nia dokumentus ho livre no seguru
“Sistema ne’ebe atu tarata dukumentu fasil liu maka tenki loke mos kantor notariadu iha posto administrativo Sira no estaf sira bele ba rekolla dokumentus kada postu ida-idak, nune’e komunidade Sira bele fasil Liu atu trata sira nia dokumentu ho diak no hodi bele habadak sira nia ain mai to’o iha notariadu baucau nian”. nia tenik
joventude Munisipiu Baucau Santiago Moreira
Joven ne’e komfirma, ferik no katuas sira ne’ebe ho idade avansadu balun mai toba kalan rua to’o tolu iha munisipiu, hafoin trata sira nia dokumentus ate balun la konsege trata tanba ho volume ema barak kada atendimentu, tanba populasaun sira mai husi Postu Vemasse, Baguia, Quelecai, Venilale, Villa Nova no Villa Antiga
Situasaun ne’ebe hanesan, akontese mos iha Munisipiu Lautem, Postu Administrativu Lospalos ne’ebe sempre akumula ema barak iha loron segunda feira, kuarta-feira no sexta feira tanba munisipiu Lautem akumula mos husi Postu Iliomar, Tutuala, Lore, Luro, Lautem no Lospalos, inklui munisipiu sira seluk.
enkuantu, hafoin notisia ne’e tun, SAP News TL seidauk hetan informasaun husi parte notariadu munisipiu sira tanba sei okupadu ho sevisu seluk.
Jornalista : Antonio Tilman