Festival Kultura No Muzika Iha Atauro, Transforma Eransa Kultural Hodi Dinamiza Ekonomia

Imajen Populasaun Munisipiu Atauro Inkorpora Presidente Republika Jose Ramos Horta. iha Atauro, 21/11/2022. Foto : Media PR

SAPNewsTL (Dili).Presidénsia Repúblika, Governu konstitusionál ba dawalu, hamutuk ho Autoridade, komunidade Ataúru no mós parseiru sira, , Festival Kultura no Múzika ne’ebe realiza iha loron 21 to’o 24 fulan Novembru iha Munisípiu Ataúru, objetivu husi Programa nasional ne’e hodi promove potensialidade turístika, atividade kultural, muzika no eventu oi-oin ne’ebe iha.

Programa ne’e atu tulun prezervasaun kultural, explora no transmite ba jerasaun foun, heransa kultural no transforma valor hirak ne’e sei atrasaun turístika, ne’ebé bele apoia dinamizasaun atividade ekonómika iha Munisípiu Ataúru.

Ataúru istória mitolojia únika no interessante tebes atu explora, sai hanesan fatin ba dadur sira husi kolónia Portugueza to’o okupasaun Indonézia, iha tasi ibun ne’ebé furak, foho Manukoko no potensialidade turístika no sidadaun ne’ebé laran luak tebes atu simu, ema  hotu ne’ebé atu vizita husi tasi balun.

Eventu ne’ebé Prezidénsia Repúblika organiza, atu promove duni potensialidade hirak ne’e no hamorin Timor-Leste nia naran iha Mundu, tanba eventu ne’e sei partisipa mos husi grupu kultural husi Munisípiu 14 no mós husi Indonézia no fiar katak, Festival Kultura no Múzika ba edisaun dahuluk iha Ataúru ne’e, sei sai dinámiku no kontribui mos ba atividade ekonómika.

Iha Ataúru realiza atividade hanesan: múzika instrumental tradisionál, dansa trandisionál, aprezentasaun filme dokumentáriu, ai-knanoik, desfile traze tradisionál, soru tais, ai-han tradisionál no internasionál, feira livru, artezenatu, expozisaun pintura, Marxa Morador no kuda Ai Mangrove ka parapa.

Iha mos konkursu hanesan; Poezia no múzika akústika ho tema Manu Kokorek Fanu rai Timor, Pintura kona ba Tasi Timor, Adventure Challenge no Múzika kore metan no mos iha kompetisaun hanesan; halai sa’e foho, kurrida bisikleta  BMX, Kurrida Ró no nani Tasi.

Programa ne’e konta ho apoiu husi Governu no Xefe Gabinete Primeiru Ministru, Sr. Azevedo Marçal mak sai Koordenadór Jerál no Sr. Agusto Junior husi Prezidénsia Repúblika mak Adjuntu Koordenadór, autoridade Munisípiu Ataúru no mós Ataúru oan sira.

Enkuantu, Programa Festival Kultura no Muzika ne’e hetan mos partispa husi konvidade estranjeiru sira husi Indonesia, Portugal, Uniaun Europeia, inklui nasaun sira seluk tan

Jornalista : Vinsensius saldanha Morais