FMA Transforma Lixu Orgániku Ba Uzu Multifunsaun

SAPNewsTL, Díli – Komunidade Filha de Maria Auxiliadora (FMA) transforma lixu orgániku ba uzu multifunsaun.

Hafoin, fasilita formasaun fermentasaun lixu organiku liu-liu aifuan nia kulit sira, iha ne’ebé iha fulan tolu nia laran sei nakfilak sai Eco Enzyme, Madre Ernestina de Jesus, FMA haktuir katak ideia atu hamenus lixu organiku husi uma laran rasik hodi hatutan ba familia no mos ba komunidade sira.

Objetivu lolos hodi halo Eco Enzyme husi nain ba deskoberta ne’e rasik Dra. Rosukon Poompanvong, husi Thailandia nia estudu mak
“ATU SALVA ITA NIA MUNDU”.

Enkuantu funsaun sira seluk ne’e nu’udar BONUS DEIT (tuir dra nia hanoin) tamba haré ita nia mundo oras ne’e nakonu ho lixu no husi lixu hirak ne’e 60% mak lixu organiku sira deit no bele halo resiklajem 9% deit, ne’e katak, neneik mundu sei nakonu ho lixu, se la halo buat ruma ho lixu hirak ne’e.

Aleinde mundo nakonu ho lixu, liliu lixu orgániku hirak ne’e mos produz gas metana, iha ne’ebé gas ida ne’e fo manas global.

“Karik ema seluk hakarak aprende oinsa atu produz lixu organiku sai ba Eco Enzyme bele mai aprende, tanba ida ne’e bele halo mós ita nia ambiente sai furak no bele hamenus lixu organiku no liuhosi halo Eco Enzyme bele nakfilak lixu organiku ba buat ne’ebé di’ak”.

“Esperensia oras ne’e dau-daun halo ho grupu kiik husi ema sira ne’ebé hatene malu deit maibe se karik iha ema seluk ne’ebé hakarak aprende ne’e diak liu tan”. Dehan Madre Ernestina de Jesus ba jornalista SAPNewsTL iha FMA nia uma Comoro, 30/05/2024.

Madre ne’e salienta, Eco Enzyme mak likidu husi resultadu fermentasaun husi masin midar mean (gula merah), aifuan kulit ka modo restu no bee. (Iha ninia formula atu bele halo).

Eco Enzyme iha multifunsaun mak :
1. Uzu iha moris lor-loron hanesan: hamos rai ka pel, deterjente hodi fase roupa, uza ho sabaun likidu ba haris, uza ho shampoo ba fase fuk, hamos sasan dapur ka uma laran, hamos haris fatin ka sentina (liliu bide no basiu), hamos pestedida iha modo no aifuan sira, hamos besi ferujem sai diak fali (EE nee mos, tulun atu hamenus uza material sintetika kimiku nian ne’ebe husi fabrika tanba lor-loron material sintétiku kimiku sira ne’e haleu no hadulas hela ita no ECO ENZYME (EE) mak fermentasaun NATURAL NIAN hodi tulun atu hamenus.)

2. Ema nia saude. ECO ENZYME (EE), tau hamutuk ho be hodi haris, fase fuuk, nu’udar pastadente hodi kose nehan, hakmumuk atu ibun la dois, kahur krema atu tau ba oin (durante halo iha Pitera ne’ebe nu’udar material base hodi halo koosmetik sira, bele uza kose ba oin), hoban ain, hand sanitizer, kura kanek sira naran deit kanek tuan ka foun, katar, fisur, samea tata no kanek seluk tan mezmu kanek tamba diabetes ne’ebé labele kura lalais.

3. EE produz ion negatif
4. hamenus radiasaun elektromagnétika
5. hadiak be, ar no rai nia kualidade atu bele kuda, liliu ba agrikultura sira
6. Ba Balada nia saude no luhan sira.

“Ohin ema sira ne’ebé tuir formasaun ne’e iha tan konhesimentu seluk tanba la’os deit hatene katak ne’e sai hanesan ai-moruk external (fou-foun sira interesse ba kura maibe ohin sira hatene liutan funsaaun seluk) maibe ida ne’e atu salva )ita nia mundo husi lixu organiku sira, no Eco enzyme bele uza ba buat barak iha ita nia moris lor-loron”. Nia haktuir.

Madre Ernestina husu Governu liuliu Ministériu Meiu Ambiente inklui komunidade sira hodi konxiente katak tempu ona atu hamutuk halo transformasaun no hamenus lixu hodi salva mundu husi degradasaun ambiental liuhusi halo ECO ENZYME ne’ebé ninia rejultadu bele fo benefisiu mos mai ita ema rasik.

“Ita iha lixu barak maibe espera Ministeriu Meiu Ambiente no komunidade sira bele konxiente katak ita iha lixu organiku ne’ebé bele nakfilak ba buat diak ne’ebé bele halo deit, nune’e hamenus lixu hodi halo ambiente sai furak, duké lixu tomak soe hotu ba tibar”.Nia husu

Madre Ernestina mos dehan ema ka uma kain ida-idak liliu ema hirak ne’ebe faan ai-fuan, sira mos bele halo transformasaun, nune’e bele minimiza lixu iha sosiedade.

“Tansa, ita labele halo lixu sira ne’e sai ba buat diak, hodi redus lixu iha ita nia rai ida ne’e maski liu husi lixu organiku deit ?”.

Transformasaun lixu orgániku ba aimoruk refere hahú iha fulan Junhu 2023 ho belun sira ne’ebé interesse ba sira nia saude, hafoin aprende iha tinan 2021 iha Jakarta (tempu covid). Nia iha interesse hodi halo produsaun tanba EE iha funsaun ne’ebe bele kontribui iha moris lor-loron nian.

“Iha ezemplu moris, iha Kailako iha labarik 1 ne’ebé samea tata. Labarik nia ain bubu, sira ba sentru saude Kailako, la bele resolve, maibe ami nia irman sira uza ba labarik ne’e, hodi hoban nia ain, nia ain sai diak fali”, Informa Madre Ernestina

Irman ne’e akresenta, wainhira komunidade kontinua soe lixu arbiru maka sei hamosu manas tanba lixu organiku mos produz gas metana ne’ebe halo mundu sai manas.

Durante madre ne’e, fasilita ona formasaun ba ema balun no produz ona EE iha sira leet hodi tulun ona ema balun tamba durante formasaun ne’e, ema ida husi sira ne’ebe aprende ona iha 2023 ne’e fo sasin katak hosi EE ajuda ema sira ne’ebe presiza, portantu sira nia parte prontu hodi fo formasaun ba komunidade sira iha futuru.

Jornalista : Marciana da Conceição