FMDC Fo Prémiu Ba Mídia STL, Neon Metin & Independente
Imajem : Director FMDC Fransisco da Silva Gari, iha Suai Room Timor Plaza, Sexta(03/05/2024)
SAPNews TL, Dili-Selebra loron liberdade imprensa, Fundasaun Media Development Center(sigla ingles, FMDC), hamutuk ho UN Women no Conselho Imprensa (sigla portugues CI),fahe premiu ba jornalista nia ne’ebe mak ho publikasaun kona-ba violasaun hasoru feto no labarik.
Tuir diretor Fundasaun Media Development Center (sigla FMDC) Fransisco da Silva Gari, hateten katak liu husi parseria ho UN Women no kolaborasaun ho Konsellu Imprensa hala’o serimonia rekonhesimentu no premiu ba reportajem sensivel jeneru.
“Objetivu husi fahe premiu ne’e atu enkoraza jornalista sira no media bo’ot sira hotu hodi kria konteúdu ne’ebe sensitivamente ne’ebe responde ba asuntu Jéneru no dezafia sira nia reportajen kona-ba ba violensia kontra feto no labarik feto sira”.Dehan Director FMDC Fransisco da Silva Gari, ba Jornalista iha Suai Room Timor Plaza, Sexta(03/05/2024)
Durante tinan rua(2), ba kotuk FMDC hala’o treinamentu ba estudante no jornalista sira inklui media Ofisial sira, hahu husi loron 8 fulan Junhu iha media ne’en(6) ne’ebe mak konsege tuir iha kompetisaun atu publika reportajem sensivel jeneru.
“Ami husi FMDC hetan suporta husi UN Women ho KOICA servisu hamutuk ho Conselho Imprensa hodi fo premiu ba jornalista sira ne’ebe maka durante ne’e halo publikasaun iha Jornal ne’ebe mak hamutuk iha media neen(6), ne’ebe mak hanesan Timor Lorosae, Timor Post, Independente, Neon Metin, Hatutan no Tatoli, ami nian equipa monitorizasaun sira no fo sai rezultadu husi jornalista sira nia jornal ne’ebe mak sira publika mak hanesan 1° Lugar husi Media Suara Timor Lorosae ho montante osan $1000 dolar, 2° husi Media Neon Metin ho montante osan $750 dolar no 3° Lugar husi Media Independete ho montante osan $500 dolar”Nia informa.
Diretor ne’e haktuir, mensajen importante atu fo sai ba jornalista sira mak media sira tenke halo publikasaun notisia ne’ebe mak sensibiliza no kontra esteoritipu ou violensia hasoru feto no labarik feto sira iha Timor-Leste.
“Mensajen importante ida atu fo sai no sensibiliza jornalista sira maka inklui media sira halo publikasaun notisia ne’ebe mak sensibiliza no kontra esteoretipu ou violensia hasoru feto ho labarik sira iha país Timor-Leste, tanba ita hatene katak ita nia dominasaun patriarka kultural ida ne’e mak sei kontribui ba violensia Timor-Leste, tanba ne’e mak ita hare papel media importante tebes atu bele sosializa informasaun ba ita nia komunidade sira atu hatene saida mak sensibiliza ba jeneru ne’e.”
Director FMDC informa katak iha inisiu hakarak atu envolve media sira hotu, maibe iha esforsu balu ne’ebe mak labele konsege, tanba ne’e iha planu ba oin sei envolve media barak liu tan iha eventu importante hanesan ne’e.
Reportajen : Antonina Lopes & Dircia Baptista Belo