Funu Na’in Tinan 24 Hakotu Jornada Iha Mundu, PN Fo Votu Pezar Ba Saudozu Mau-Mesak,
Imajen Saudozu Jose Mau-mesak
Dili, SAPNewsTL : Parlamentu Nasionál fo Votu Pezar ba Saudozu Jose Gusmão (Mau-Mesak), Iha Intervensaun Deputadu Bankada FRETILIN José Agostinho Siquera rekunhese luta matebian Jose Gusmão (Mau-Mesak) tanba saudozu hola parte iha resistensia no sakrifika nia an tomak ba rai doben ida ne’e
“Fo apresiasaun ba herois sira ne’ebe luta ba Timor-Leste nia independensia, la haluha mos ba ita nia maluk jose Gusmão(Mau-mesak), uluk iha Quintal-Boot servisu ba sosiedade, nia halo iha parte forcas armadas F-FDTL foin dadauk iha 2015-2016 nia tama iha reformas, nia hetan moras ne’ebe mak hakotu nia jornada moris iha fulan hirak liu bá”. Dehan Deputadu Bankada Fretilin Jose Agostinho Sequeira Somotxo iha Uma Fukun Parlamentu, terxa-feira(04/10)
Deputadu ne’e konta, Saudozu Hanesan analfabetu ida ne’ebe nia konhese, sira hamutuk kombate no trava iha Munisipiu Viqueque Postu Administrativu Uatu-Lari Kuloi, sira hamutuk ho Matebian Mau-mesak no Amu Lulik balu hamutuk iha kompanha kaixa, iha momentu ne’eba kolega ho komandu sira mate hotu, to’o ohin loron hamutuk ke balu sai figura principal ba ema hotu
“Ami hamutuk iha situasaun difisil tebes, hamutuk ho matebian Mau-Mesak iha situasaun funu ne’ebe mak la iha kolega sira regiaun seluk atu halo i ami hamutuk nain lima bele taka no ami halo siguransa ho asu iha momentu ne’eba”. Nia Konta
Eis Guerilleiru ne’e hatutan, iha momentu funu nia laran, nia nu’udar saudozu Mau-Mesak nia Komandante hodi fo seguransa ba Taur Matan Ruak
Imajen Intervensaun Deputadu Jose Agustinho Sequeira Somotxo, iha Uma Fukun Parlamentu Nasional, 04/10/2022
“Hamutuk ho matebian mau-mesak, ha’u mak sai hanesan ninia komandante iha tempu uluk, ami hotu hamutuk hodi halo seguransa ba maun Taur Matan Ruak, ha’u hanesan mos ajudante kampu iha estadu maior i ami hamutuk iha ne’eba hodi halo seguransa ba estadu maior hodi sakrifika ami nia an tomak”. informa nia.
Entretantu, Saudozu Mau-Mesak hetan ona kondekorasaun husi estadu ho ordem Funu nian iha loron 07 Fulan Dezembru Tinan 2006, inklui guvernu halo ona uma ba Saudozu ho nia familia
Enkuantu, Saudozu Jose Gusmão (Mau-Mesak) hanesan veteranu tinan 24 iha ai-laran hamutuk ho Xefe Estadu Maior, Mau-Mesak Moris iha Loron 07 Fulan Fevereiru Tinan 1955, iha Uaitame Postu Uatu-Lari, Munisipiu Vikeke, Saudozu hakotu nia viajem moris iha loron 11 fulan julhu tinan 2022.
Jornalista : Lidia Amaral
Editor : Luis dos Santos