Governu Sei Fornese Bee-Moos To’o Uma Ida-Idak

SAPNewsTL, Dili: Vise Primeiru Ministru no Ministru Dezenvolvimentu Rurál no Habitasaun Komunitária (MDRHK)-Mariano Assanami Sabino, Ministru Obras Públika-Samuel Marçal, inklui ministériu kompetentes sira ho entidade BTL.E.P, Prezidente Autoriedade Munisipiu Dili, Komando PNTL Munisipiu Dili, realiza reuniaun hodi deskuti problema Bee Moos iha Timor-Leste.

Vise Primeiru Ministru Mariano Assanami Sabino katak problema bee iha Timor laran tomak inklui mos dili barbarak mak seidauk hetan bee, bee mos sai faktores ida ne’ebe fo kontribuisaun ba moris oi-oin ne’ebe mak povu hasoru durante ne’e kleur tebes ona

“Iha nonu governo ita hakarak entre ministerial ida halo kordenasaun lidera husi Ministru obras Públikas, BTL nu’udar iha ministru nia okos para halo kodernasaun diak para ita halo jestaun halo konstrusaun para oferese bee qualidade diak ba ita nia inan aman sira”. Tenik Vise Primeiru Ministru Mariano Assanami Sabino iha Salaun MOP, Dili,26/09/2023

Governante ne’e akresenta nia parte sei halo kordenasaun ho instituisaun oioin hodi hadia setor edukasaun, saude, klínika hosi estatal hare konaba suku sira to’o iha kraik,hosi produtu lokal oinsá mak kuidadu bee matan sira

Assanami konsidera bee importante ba ema, Ai-Horis no balada sira, Espera líder komunitáriu kolabora hamutuk ho inan aman sira nune’e iha konsiénsia hodi kuida bee, bainhira uma kain ida-idak hetan ona bee moos entaun kuida rekursu tanba bee ne’e important nune’e labele estraga torneira no kanu sira.

“Tinan ida ne’e, ita sei komemora loron aihan mundial, tema ba komemorasaun ne’e, be’e mak ita nia vida, be’e mak ita nia moris no Be’e mak ita nia Aihan, tamba iha tempu naruk ita enfrenta problema bee moos no komunidade barak mak seidauk asesu bee-moos, ne’ebé sai mós hanesan fatores ida hodi fó mós kontribuisaun bá moras oin-oin ne’ebé povu ida ne’e enfrenta,”Nia subliña

Iha fatin hanesan, Ministru Obras Públika-Samuel Marçal hateten, ligado ho asuntu bee moos, sei fo orientasaun ba Sekretáriu Estado Eletricidade, Água e Saneamentu atu forma ekipa ida para hodi haree oinsa bee ne’e bele reorganiza ho didi’ak hodi fornese to’o bá ema hotu-hotu nia uma.

“Ekipa ne’ebe ohin enkontru ne’e nia solusaun maka problema bee hanesan politikamente ministru obras publika lidera, ami sei forma nafatin ekipa ida para oinsa bee ne’e ita reorganiza didiak para bele to’o ba ema hotu hotu”,

“Kona-ba bee moos ne’e ita la’ós la iha bee, ita iha bee barak, maibé bee seidauk organiza ho didi’ak no bee barak maka soe de’it, tamba ne’e, ita presija forma ekipa integradu ida para bele hare’e hotu servisu sira-ne’e,ligado ho bee moos,”dehan Ministru

Kona-ba fundus Ministru Obras Públika afirma, tau ona osan iha kada ministériu, dadaun ne’e presija deit servisu ekipa, fundus bá bee moos ne’e Governu investe ona iha Bee Timor-Leste (BTL.E.P), liu hosi Programa Nasionál Dezenvolvimentu Suku (PNDS).

Enkuantu, enkontru Inter-Ministerial bazeia ba pedidu Vise Primeiru Ministru no Ministru Dezenvolvimentu Rurál no Habitasaun Komunitária (MDRHK),Mariano Assanami Sabino, ne’ebe desidi iha Konselhu Ministru ne’ebé halo iha dia 25 de Setembru 2023, hodi hatu’un orientasaun ba Ministro Obras Públika atu konvoka reuniaun ida ho ministériu kompetentes sira.

Ministériu no entididade sira ne’e partisipa iha reuniaun ne’e maka Ministériu da Saúde, Ministériu da Edukasaun, Ministériu da Agricultura, Pekuária, Peska i Florestas, Ministériu do Ensino Superior, Siênsia i Kultura, Ministériu do Petróleu e Rekursus Minerais, Ministériu do Planeamento e Investimento Estratéjiku, Ministériu da Administrasaun Estatal, Comandante PNTL Munisipiu de Dili, Prezidente Autoridade Munisipiu Dili,Prezidente BTL, E.P. no Sekretáriu Estado Eletricidade, Água e Saneamentu, hodi hare konaba problema Be’e iha Timor-Leste.

Jornalista : Ermelinda Soares