Hadia Jestaun Iha Fronteira, PD Promete Sei Hatun Taxa Folin Sasan
Imajem : Presidente PD Mariano Assanami Sabino Iha Igreja Maliana, 21/04/2023
SAPNewsTL, Bobonaro : Partidu Demokrátiku (PD) hala’o komísiu iha Munisipiu Bobonaru, Presidente PD Mariano Assanami Sabino hateten ema hotu tenki sai sentru ba ekonomia, fasil para ema hetan rendimentu diak hodi hadia nia moris
“Ema hotu tenki sai sentru ba ekonomia, fasil para ema hetan rendimentu diak hodi hadia nia moris, ema ida-idak tenki sai produtivu, ema hotu tenki iha servisu no produtivu hodi nasaun ba produtivu, hadia setor agrikultuta, hasa’e produsaun no transforma ba osan, implementa povu kuda guvernu sosa liu husi setor kooperaiva”. Dehan Presidente PD Mariano Assanami Sabino ba militante sira iha Bobonaru, 22/04/2023
Entretantu, Assanami mos defende hodi loke kréditu ba joven sira ne’ebe hakarak eskola, hakarak kria emprezáriu, kria kampu servisu, hadia kualidade edukasaun, hasa’e kunesimentu jovens hodi domina siénsia no teknolojia para kompete ho nasaun seluk, wainhira tama ba ASEAN
Imajem Militantes PD iha Munisipiu Bobonaru, 22/04/2023
Nia mos promete, PD sei hadia jestaun merkadu iha fronteira, labele iha ilegal, loke froteira halo luan hatama sigaru, mina no buat sira seluk
“Loke Fronteira halo luan, hadia jestaun merkadu iha fronteira para fila liman ho dignu no hatama sasan ho dignu labele iha ilegal, sasan sira tenki kompetitivu laos hasa’e taxa boot liu, ema faan sasan labele ema tenki hatama sasan ilegal, ita sei hatun taxa no hadia jestaun para inan aman sira fila liman ho diak”. Nia Hakotu
Iha komísiu Polítiku ne’e hetan partisipasaun maximu husi militante sira iha Postu Administrativu Lolotoe, Bobonaru, Balibo, Atabae, Maliana no Kailaku
Jornalista : Ferderita Miranda