Hetan Oportunidade Daruak Ba Korea, Francisco : Halo Uma & Selu Alin Nia Eskola

SAPNewsTL, Dili : Hafoin Trabalhador Timor oan na’in limanulu (50) hamutuk ho familia asina deklarasaun ho Sekretariu Estadu Formasaun Profisional no Empregu (SEFOPE) Iha Salaun Timor Lodge Dili, Trabalhador Francisco Pedroco haktuir Nia hetan oportunidade dala rua, antes ne’e Nia halo Ona Uma ba família no Selu alin sira Nia eskola

Trabalhador Francisco Pedroco Martins Borges ne’ebe sei ba Servisu iha Area peskas ne’e sente gratidaun tanba bele hetan oportunidade dala rua hodi ba servisu iha Korea Sul

“Ha’u orgulhu tebes tanba ami Na’in 20 bele hetan oportunidade dala rua ba servisu iha Korea, Pesoal ha’u agradese tebes tanba oportunidade ida ne’e bele hadia Familia nia moris, Ami halo buat diak barak ona ba familia sira hanesan halo uma, hadia ekonomia familia uma laran no selu alin sira nia eskola”. Tenik Trabalhador Francisco Pedroco Martins Borges ba Jornalista Sira iha Salaun Timor Lodge Dili, 04/08/2023

Iha fatin hanesan, Trabalhador Domingus Lopes Kastilho ne’ebe sei servisu iha area Fábrika, senti kontenti no tristi wainhira hetan oportunidade servisu ne’e

“Ha’u sente Kontente no triste hotu, tristi tanba husik hela familia, kontenti tanba buat ne’ebé durante ita hakarak no esforsu ohin loron ita hetan no sai realidde duni”. Nia dehan

Traballador ne’e konta, durante formasaun no prosesu to’o ohin loron nakonu ho dejafiu no difikuldade oioin, maibe ho pasiensia no boa vontade konsege to’o hetan rezultadu Diak

“Durante Formasaun ne’e ami hasoru dezafiu barak maibe ami senti diak hela tanba iha dezafiu no terus nia laran mak ita bele hetan susesu, Ha’u agradese tanba bele hetan oportunidade ba tan dala rua”.

“Depois to’o iha ne’eba, garantia sei halo buat diak barak ba Familia no nasaun, ba kolega joven sira labele lakon vontade atu tuir formasaun sira, Oportunidade sei mai, karik ba alin sira ne’ebe remata ona Eskola iha sekundaria ekonomia familia la sufisiente, entaun dalan diak liu hakbesik an ba sentru formasaun sira”. Nia husu

Nia dehan, hanesan oan ida tenki buka dalan hotu hotu hodi aprende no buka servisu, Nune’e labele depende de’it ba nia inan aman, maibe tenki apoia fali sira

“Tanba ita moris nafatin iha ita nia rain deit hanesan joven ita sei depende ba Inan aman, ita prezisa sai ba rai liur atu nune’e bele muda ita nia moris no bele rezolve ba nesidade familia nian, Karik ita ba hetan esperensia iha ema nia rain, ita tenki aproveita atu bele mai implementa iha ita nia rai”. Nia afirma

Sekretariu Estadu Formasaun Profisional no Empregu (SEFOPE), Rogerio Araujo Mendonça hatete, governu liu husi SEFOPE kria ona kondisaun ba trabalhador Timor oan sira ba servisu iha rai-liur ho objetivu ida katak atu hadia kondisaun moris familia ka uma-laran nian no hasa’e kresimentu rai-laran.

Sekretariu husu ba trabalhador sira bainhira ba servisu kuidadu an didiak, liliu hadok an husi alcohol, no família sira tenki halo kultura ho didiak tanba sira servisu iha risku nia laran

“Traballador tenki servisu kuidadu an didiak, familia husi trabalhador sira halo kultura ho didiak tanba oan sira ba servisu iha area risku no tasi laran, traballador sira tenki hadook aan husi alcohol tanba husi alcohol mak sei estraga ema nia isin. Tanba imi mak esperansa moris diak ba familia no nasaun,” Dehan SEFOPE

Jornalista : Ermelinda Soares