Muller Akadémika UNTL Realiza Expo, Promove Taís & Produtu Lokal
SAPNewsTL, Dili : Universidade Nasionàl Timor Lorosa’e (UNTL) konklui Nia Eventu Semana akadémiku, iha intervista Judita Dias Ximenes, haktuir Semana Akadémika ne’e Mulheres Akadémika sira halo Expozisaun liu husi faan hahan lokais Sira, Roupa Típikas Sira, Aifunan, Livru no seluk tan
“Semana Akadémika ne’e hahú iha loron 17 to’o 31 Jullu, ohin halo enseramentu, programa ne’e inisiativa husi gabinete asuntu relasionados ho kestoens da politika Generu UNTL, ne’ebe organiza husi mulleres akadémikas, estudante no Funsionáriu sira, eventu ne’e sira mai halo expozisaun ba produtu lokais, hahan típika sira, roupa tipika sira, aifunan sira, livru no seluk tan”. Tenik Judita Dias Ximenes, asesora ba asuntus relasionadas ou kestoens da polítikas Géneru UNTL, Dili, 31/7/2023
Expozisaun ne’e hodi fanun estudante sira, oinsa sai estudante ne’ebe inovativu, kreativu no produtivu iha Komunidade nia leet
Expozisaun refere hetan vizita mos husi Eis Presidensial Autoridade RAEOA José Luis Guterres, Deputadu/a Sira, Funsionáriu sira, Professor no Estudante sira
“Ohin mai iha ne’e, Eis Prezidente Autoridade RAEOA José Luis Guterres, Deputada sira, professór no estudante sira, biban ne’e hanesan espasu ida hodi explora kreatividade estudante sira nian, oinsa bele dezenvolve no promove diak liu tan ba futuru”. Nia hatete
“Bainaka sira nia vizita ne’e fó tan korangem no kbiit mai ami para ami bele ba oin no ami hein katak sugestaun no prezensa ne’e bele fortifika expozisaun ne’e aban bainrua bele kontinua la’o ho Diak”.
Iha fatin hanesan, Estudante Maria Isabel de Jesus Martins konsidera expo ne’e importante tebes tanba bele kria espasu no oportunidade ba estudante produtivu sira hodi apresenta sira nia produtu sira
“Expo ne’e hanesan espasu ida ba estudante sira, Sira mai apresenta sira nia produtu hanesan Taís, hahan, roupa sira, ami mai halo promosaun iha universidade ida ne’e, ami bele aplika ba Timór laran tomak iha futuru”. Nia hatete
Nia akresenta, “kona ba prosesu suku taís kombina ho roupa ne’e depende sasan ne’ebe ami prepara, ezemplu wainhira tais iha ami bele prepara ho diak hodi nune’e ami suku mos lais,maibé nia durasaun maiz ou menus fulan ida(1) ou rua(2)”.
Semana Akadémika UNTL ne’e realiza mos Kompetisaun Debate Públiku, Diskursu Públiku, Torneiu Deportivu hanesan Futsal no Voleibol ne’ebe partisipa husi Estudante Fakuldade sia iha UNTL
Jornalista: Ermelinda Soares