Largo Lesidere Lalos Fatin Fa’an & Hela, PAMD Deklara La Duni Negosiante Sira

SAPNewsTL, Dili : Relasiona ho Polémika Duni Negosiante Iha Jardim Largo Lesidere, Presidente Autoridade Munisipiu Dili (PAMD) Guilermina Saldanha deklara, nia parte la duni negosiante sira iha Jardim Largo Lesidere, Nia konsidera Jardim Lesidere La’os fatin negosiu no hela iha Ne’eba

“Ami la duni negosiante sira, ami fo sirkular ne’e ko’alia kona-ba proibisaun ne’ebe mak hatur iha lei 33/2008, maibe husu koperasaun atu nune’e sira bele koopera hamutuk, ita bele hadia ita nia jardin largo lesidere ne’ebe iha tasi ninin no halibur ema barak”. Tenik Presidente Autoridade Munisipiu Dili Guilermina Saldanha ba jornalista sira iha Edifísiu Munisipiu Dili, 08/08/2023.

Guilhermina Konsidera Jardim Largo Lesidere lalos fatin negosiu no hela fatin tanba ne’e Komunidade sira presiza koopera ho diak

“Fatin jardin largo lesidere laos fatin atu halo negosiu no laos fatin atu hela ba hanesan ita nia uma maibe jardin largo lesidere sai hanesan jardin nune’e ita hotu bele ba tur halimar ka refresing ho familia sira,maioria familia barak mak ba hela iha largo lesidere no hamosu jogus barak iha ne’eba husi Autoridade Munisipiu Dili nia hare katak ne’e la diak,”Nia argumenta

Nia akresenta, “nasaun ida ne’ebe hakarak atu hadia diak, ita tenki organiza maibe Autoridade Munisipiu Dili seidauk ba hasai negosiante sira iha Jardin Largo Lesidere, husu ba sira atu oinsa ita bele organiza hodi tau buat ne’ebe mak ema haree diak no furak”. Nia hatete

“Negosiante sira sei mantein halo negosiu iha jardin largo lesidere maibe husu ba negosiante sira atu la bele toba iha fatin largo lesidere, faan sasan ne’ebe mak diak no bele duni atu faan iha ne’eba no la bele soe foer arbiru iha fatin largo lesidere,”Nia husu

Entretantu, kona ba Merkadu Taibesse no Manleuana, Presidente Autoriedade ne’e preokupa no sira nia parte sei haree oinsa hadia nia Jestaun Merkadu rua ne’e

“Merkadu Manleuana ita haree ba kapaz tebes, Maibe merkadu Taibesse seidauk diak. Ita sei halo koperasaun diak ho ita nia negosiante sira,”hakotu nia.

Antes ne’e, negosiante Taibesse no Jardim Largo Lesidere halo ona audiênsia ho Presidente Repúblika José Ramos Horta hodi hato’o sira nia lamentasaun sira kona ba kombransa ilegal ba negosiante sira iha Merkadu Taibesse, Estraga Sasan Negosiante nian iha Merkadu Taibesse no Jardim Largo Lesidere inklui duni sai no Ameasa

Maske Nune’e, Maibe Presidente Autoriedade Munisipiu Dili Guilermina Saldanha deklara seidauk duni no hasai Negosiante sira iha Largo Lesidere Maibé husu sira hodi koopera hodi asegura ambiente moos iha Jardim Largo Lesidere

Reportazen : Aquelina Mangalhães