MCI & PAMD Hasoru Malu, Hakarak Hadia Jestaun Merkadu Kapitál Dili

MCI & PAMD Hasoru Malu, Hakarak Hadia Jestaun Merkadu Kapitál Dili

SAPNewsTL, Dili : Presidente Autoriedade Munisipiu Dili (PAMD) Guilermina Saldanha realiza enkontru ho Ministériu Comércio Indústria (MCI Sigla Português) Filipios Nino Pereira, Objetivu husi Sorumutu ne’e hodi ko’alia kona-ba ba Jestaun Merkadu Taibesse no Merkadu Manleuana inklui mos faan na’in sira iha dalan ninin

Durante ne’e MCI preokupa ho situasaun vendedor sira ne’ebe iha merkadu no mos sira ne’ebe mak faan iha dalan ninin, maske liu husi fa’an ne’e hodi sustenta sira nia moris tanba ekonomia familia la sufisiente, tan ne’e sorumutu ne’e hodi fahe hanoin kona ba Jestaun Merkadu sira iha Dili

“Lei la fo dalan iha Munisipiu Dili, ita presiza organiza no iha liña servisu koordenasaun, problema kona-ba jestaun ba ita nia vendedor sira no fasilidade ne’ebe dala barak ita hotu sempre husu, enkontru ohin atu haklean liu fo apoiu iha areas oi-oin”.

“Hadia jestaun merkadu iha Munisipiu Dili, hadia infraestrutura hanesan be’e ho haris iha merkadu rua (Manleuana & Taibesse) ne’ebe mak importante tanba ita iha orsamentu retifikativu ne’ebe mak uituan, ami haree hodi tau osan uituan hodi hadia fasilidade iha merkadu”. Tenik Presidente Autoridade Munisipiu Dili Guilermina Saldanha ba jornalista sira iha Edifísiu Munisipiu Dili, 08/08/2023.

Presidente Autoriedade Dili ne’e argumenta, Sira nia parte la duni verdedor sira maibe husu sira nia kolaborasaun no kooperasaun hodi hadia Kapitál Nasaun

“Ami la duni ita nia vendedores sira maibe sira atu iha koperasaun, oinsa bele hamutuk hadia ita nia kapital Dili tanba dala barak ema hotu dehan Munisipiu Dili ne’e Autoridade Munisipiu Dili nian deit maibe ne’e lalos, ita hotu iha responsabilidade hadia no organiza”.Dehan Guilermina

Iha fatin hanesan, MCI Filipios Nino Pereira “Preokupa merkadu hanesan merkadu Taibesse no Manleuana, Elemloi no Kampu Baru, ita presiza hadia ninia jestaun ne’ebe diak hodi ita bele akomoda vendedor sira hotu hodi bele faan ho diak no ema bele sosa sira nia sasan iha ambiente ne’ebé seguru,”tenik nia

“Ita mos iha hanoin atu estabelese merkadu ne’ebe mak halo tratamentu ho dignu ba ita nia vendedor sira hanesan iha merkadu manleuana ita presiza alarga tan, ita bele hari’i tan fatin ne’ebe mak apropriadu hodi bele muda ita nia vendedor sira, ita sei kordena ho Terras Propriedades hodi identifika fatin rua ho 12 hektares hodi kria kondisaun”. Nia afirma

Governante ne’e afirma, ba futuru sei hari’i Merkadu Semi Modernu ida ne’ebé bele loke atividade negosiu ho tipu tradisional no modernu hodi bele garantia merkadu ne’ebe seguru no produtu ne’ebe fresku nafatin ba konsumidor sira

“Konseitu ba futuru ne’e sai hanesan merkadu semi-modernu ne’ebe mak atividades faan nian iha tipu tradisional no mos buat balun ne’ebé mak ita atu moderniza, sistema faan ne’ebe prepara mos konzelador sira, Nune’e produtu nafatin fresku no hijiene”. Nia promete

Governu sei la taka matan hodi buka atu asegura, fasilita no regula vendedor sira, maibe nia mos husu atu vendedor sira tenki kopera ho diak

Daudaun ne’e, Negosiante sira kontinua halo sira nia atividade negosiu iha Merkadu Taibesse, Manleuana, Kampu Baru, Elemloi, inklui Jardim Lesidere ne’ebe negosiante sira fa’an ba

Antes ne’e, Autoridade Munisipiu Dili halo ona intervensaun ba negosiante sira iha Largo Lesidere Maibé, Negosiante sira sei Kontinua hala’o atividade negosiu tanba guvernu seidauk kria kondisaun no prepara fatin dignu ba sira

Reportazen : Zejuina Jose Andrade Da Cruz & Marcela Deliana

Share This

COMMENTS

Wordpress (0)
Disqus ( )