UNTL La Admite Feto Sai Vítima, Judita Husu Estudante Hato’o Keixa

SAPNewsTL, Dili : Iha ámbitu Semana Akadémika ne’ebe organiza husi Mulleres Akadémika iha Universidade Nasionàl Timor Lorosa’e (UNTL), Asesor Assuntu Géneru UNTL Judita Dias Ximenes, haktuir inisiativa Kampus Seguru antes ne’e seidauk iha la hetan kazu asédiu sexual, maibe hafoin ne’e iha, kazu balu hahu levanta

“Semana Akadémika ne’e, Ita mos promove no sensibiliza inisiativa Kampus Seguru, saudável ba estudante sira, agora iha inisiativa Kampus Seguru, depois inisiativa ne’e iha kazu sira hahu levanta beibeik kompara ho antes ne’e kazu ne’e nonok Hela, tan ne’e hakarak sensibiliza kampus seguru ba ema hotu “. Tenik Judita Dias Ximenes, asesora ba asuntus relasionadas ou kestoens da polítikas Géneru UNTL, Dili, 31/7/2023

Nia akresenta, ho sensibilizasaun ne’e bele inspira ema hotu bele iha sensibilidade ba asuntu géneru iha UNTL inklui Instituisaun sira seluk ne’ebé ema hotu bele hatene respeita direitus umanus liliu ba inan feton sira

“Ita hein katak ema hotu tenki sensivel ona ba kampus seguru hodi evita asédiu sexua, estudante sira bele hatene katak asédiu sexual ne’e kontra sira nia direitu umanus no bele kriminaliza, professór sira mos hatene ona katak ida ne’e hasoru violasaun ba direitus umanus no mos halo krime hasoru umanidade”.

Asesora ne’e konsidera, “Informasaun ne’ebe agora sai naba- naba ne’e bele mos reduz akontesimntu iha oin mai la nakfera maka sei labele reduz maibe nakfera hanesan ne’e maka ita hein katak iha oin mai buat hanesan ne’e la iha ona”.Nia dehan

Judita fundamenta, Ema hotu tenki haree feto hanesan inan, oan, avó, Bin no ema importante ne’ebe presiza respeitu no kuidadu hodi labele viola sira nia direitu

“Ita tenke haree feto ne’e hanesan ita nia inan, oan, avó, Bin hodi respeita Sira, tanba ita ke’e feto nia hatais ka Feto nia hahalok ida ne’e maka ita atu minimiza feto mas ohin loron ne’e tenki ser hantene, lei proteje ema hotu-hotu, lei eduka no fó kastigu ba ema”.

“Ema feto ne’e senti baibain hela maibe wainhira ita halo buat ladiak ba feto ne’e krime kalae, emar sira be servisu iha instituisaun ne’e hasoru direitua umanus ka lae? tanba ne’e kuidadu halimar ema seluk nia direitu. Se hasoru ema seluk nia direitu sei ba hasoru malu ho polisia no Ministériu Públíku, ema ida-idak tenki tahan-an par labele to’o iha ne’eba”. Nia husu

Nia mos enkoraja feto sira hodi labele nonok wainhira hasoru kazu sira ne’ebe viola direitu ema nian, feto sira tenki brani koalia sai buat ne’ebe soke sira nia dignidade umana no haterus sira

“Ita enkoraza feto sira para labele nonok maibe koalia sai buat ne’ebe maka hasoru imi nia direitu, hasoru imi nia dignidade ne’e tenki ser koalia sai, maibe ita feto mos kontinua eduka ita nia-an para labele sai vulneravel ba oin”.

“Labele ita maka provoka fali situasaun, ita sai fali vitima ba situasaun klaru ke feto maka sei sai vitima ba situasaun tanba ne’e ita lalika provoka karik situasaun ne’e akontese tenke ser habrani-an ba hato’o fali kesar”. Nia sublinha

Antes ne’e, Vise Reitora Asuntu Estudantil UNTL Lígia Tomas Correia mos husu ba estudante sira hodi labele subar nia problema liliu wainhira hetan diskriminasaun ruma iha UNTL, Nune’e Estudante sira labele sai vítima ba hahalok professór sira nian tantu funsionáriu sira

“Estudante tenki brani koalia sai wainhira hetan kazu ruma, ita tenki garante UNTL ne’ebe seguru no livre ba estudante sira hodi aprende, estuda no saí matenek hodi servi nasaun iha futuru”. Tenik Vise Reitora Asuntu Estudantil UNTL Lígia Tomas Correia

Iha parte seluk, Expozisaun ne’e hodi fanun estudante sira, oinsa sai estudante ne’ebe brani foti desizaun kontra violasaun direitu ema nian, hamosu inovativu, kreativu no produtivu iha Komunidade nia leet

Expozisaun refere hetan vizita mos husi Eis Presidensial Autoridade RAEOA José Luis Guterres, Deputadu/a Sira, Funsionáriu sira, Professor no Estudante sira hodi haree kreatividade no potensialidade estudante sira nian

“Ohin mai iha ne’e, Eis Prezidente Autoridade RAEOA José Luis Guterres, Deputada sira, professór no estudante sira, biban ne’e hanesan espasu ida hodi explora kreatividade estudante sira nian, oinsa bele dezenvolve no promove diak liu tan ba futuru”. Nia hatete

“Bainaka sira nia vizita ne’e fó tan korangem no kbiit mai ami para ami bele ba oin no ami hein katak sugestaun no prezensa ne’e bele fortifika expozisaun ne’e aban bainrua bele kontinua la’o ho Diak”.

Semana Akadémika UNTL ne’e realiza mos Kompetisaun Debate Públiku, Diskursu Públiku, Semináriu ba asuntu géneru, Torneiu Deportivu hanesan Futsal no Voleibol ne’ebe partisipa husi Estudante Fakuldade sia iha UNTL

Jornalista: Ermelinda Soares