Kumpri Promesa, Guvernu Hatun Hikas Taxa Folin Sasan Ba Normal
SAPNewsTL, Dili : Liu husi Reuniaun Konsellu Ministru ohin iha Palásiu Governu, Nonu Guvernu Konstitusional altera projetu lei nú. 15/2022 hamenuz ona taxa inflasaun ne’ebe sa’e husi 2,5-5% iha inisiu tinan 2023 ba fali 2,5,% ho presu normal
“Governu Konstitusionál da-9 hakarak hamenus impaktu inflasaun no aumentu kustu vida ba sidadaun sira, hodi aumenta sira-nia podér kompra nian. halo ajustamentu ida ba taxa impostu seletivu konsumu no direitu aduaneiru nian ba importasaun ne’ebé bele aplika iha tinan 2023, ne’ebé aumenta iha inísiu tinan ne’e liu husi Lei n. 15/2022, loron 21 fulan-dezembru”.
“Tanba ne’e, halakon taxa impostu seletivu konsumu kona-ba masin-midar, nune’e mós aumentu ba direitu aduaneiru importasaun nian, no aplika filafali taxa anteriór ho 2,5%.”Dili, 09/08/2023
Governu mós aproveita hodi halo alterasaun ba diploma boot rua ne’ebé iha ligasaun besik ho Orsamentu Jerál Estadu, iha Lei n. 2/2022, loron 10 fulan-fevereiru, Enkuadramentu ba Orsamentu Jerál Estadu no jestaun finanseira públika, no iha Lei n. 8/2008, loron 30 fulan juñu, Lei Tributária, ne’ebé altera husi Lei n. 5/2019, loron 27 fulan-agostu, ho objetivu atu asegura rigór no transparénsia ida ne’ebé boot iha ezekusaun Orsamentu Jerál Estadu no kontas públikas nian.
Alterasaun ida-ne’e inklui mudansa iha alterasaun orsamentál, hodi garante estabilidade boot ba Orsamentu Jerál Estadu ne’ebé aprova ona, eliminasaun ba lei Planu Opsaun Prinsipál, ne’ebé kria hodi troka nia fatin maka Planu Anuál Investimentu Estratéjiku, dokumentu tékniku ida ne’ebé aprezenta planeamentu anuál ho impaktu ba orsamentu ne’ebé aprezenta hamutuk ho proposta lei Orsamentu Jerál Estadu.
Ajusta ba rejime ezekusaun orsamentál iha períodu entre nomeasaun Governu no apresiasaun programa Governu nian, nune’e mós iha períodu entre rejeisaun programa Governu no nomeasaun Governu foun.
Antes ne’e, Oitavu Guvernu Konstitusional hasa’e taxa inflasaun husi 2.5% ba 5%, liliu iha folin bebidas asukaradas, sigaru, Masi Midar tanba kestaun saúde públika, maibe ho kapasidade poder de kompa populasaun nian ne’ebe mínima, ohin Nonu Guvernu altera ona projeitu lei ne’e hodi hamenuz Taxa folin sasan
Iha Parte Seluk, Guvernu mos aprova ona projetu Rezolusaun Governu nian ne’ebé aprezenta husi Primeiru-Ministru, Kay Rala Xanana Gusmão, ne’ebé aprova donativu ho valór dolar amerikanu rihun 750 hodi oferese ba Repúblika Demokrátika São Tomé e Príncipe hodi organiza Konferénsia Xefe Estadu no Governu Komunidade Países Lingua Portugés (CPLP) XIV.
Jornalista: Zenoveva Lopes & Celeste Gonçalves