Inan Faluk Margarida ! Halo Negosiu Suporta Oan Eskola Iha DIT & Indonézia

SAPNewsTL, Balibo: Negosiante Margarida Angelu fa’an sasan suporta oan nia Eskola iha ensinu superior, Margarida hateten oan ida hasai ona lisensiatura iha DIT no Universidade ida iha Indonésia

Negosiante Margarida Angelu haktuir, nia deside fa’an sasan tanba nesesidade família obriga liliu oan sira nia estudu tanba nia hakarak oan sira tenki sai matenek no susesu iha estudu

“Ha’u deside fa’an sasan tanba nesesidade uma laran, liliu esforsu hodi selu oan sira nia eskola no hola sasan uma laran, ha’u fa’an sasan desde iha 2000 to’o agora, rezultadu husi fa’an ne’e agora oan nain rua S1 (Lisensiatura) Ida iha DIT ida fali iha Indonésia”. Tenik Negosiante Margarida Angelu ba Jornalista SAPNewsTL iha Balibo, 16/10/2023

Margarida Angelu hatutan, Nia Laen husik hela nia hamutuk ho oan sira iha tinan 2020 tanba sofre moras oioin, maske Nune’e maibe nia husu ba Na’i Maromak hodi kontinua hala’o ninia atividade ho diak no susesu

“Ha’u nia laen husik hela ami iha tinan tolu liu ba, maske hasoru laloran moris ne’ebe todan maibe nu’udar inan Ha’u sempre hakaas an hodi kontinua husu Maromak no Matebean sira nia tulun hodi tulun Ha’u liu husi atividade negosiu ne’e”. Margarida Angelu hateten

Margarida akresenta, sasan ne’ebe nia faan, nia mos hola tutan iha Maliana transporta ho Bus mak mak fa’an fali ba komprador sira iha Merkadu Postu Administrativu Balibo

“Sasan ne’ebe ha’u faan ne’e hola tutan husi Maliana hafoin mai faan fali ba komunidade sira iha Postu Administrativu Balibo villa.” Nia informa

Inan Doben Margarida Angelu hela iha Postu Administrativu Maliana Villa, hafoin fa’an hotu sasan ne’ebe nia faan, nia ho fali Bus hodi fila hikas ba nia hela fatin

Enkuantu, Osan ne’ebe inan buka resultadu agora oan nain gradua no eskola iha Dili Institute of Technology (DIT), no Eskola iha Universidade ida iha Indonésia

Jornalista : Ermelinda Soares