Jornalista 21 Sertifika Husi CEFTEC, Jornalista Presiza Iha kuñesimentu Klean
SAPNewsTL, Dili: Centro de Formação Técnica em Comunicação (CEFTEC) hala’o serimónia enseramentu no entrega sertifikadu formasaun Matemátika nian ba Jornalista ruanulu resin-ida (21) ne’ebé tuir formasaun durante fulan ida iha CEFTEC.
Kordenador CEFTEC Dr. Rafael da Silva Freitas fo apresia hó formadór sira ne’ebé fo ona formasaun ba Jornalista sira durante fulan ida no bele kapasita ona sira iha formasaun Matemátika hodi bele hasa’e sira nia kuiñesimentu
“Husu ba formador sira, atu nafatin fo formasaun ba Jornalista sira hodi kapasita fali Jornalista sira seluk hodi bele aumenta tan sira nia kuiñesimentu klean kona-ba formasaun Matematika”. Dehan Kordenador CEFTEC Dr. Rafael da Silva Freitas ba jornalista sira iha Sala Formasaun PFMO Pateo-Dili, Sexta-feira, 5/08/2022).
Kordenador ne’e hatutan, formandu sira ne’ebé tuir ona formasaun durante fulan ida, bele hatene ona no fahe fali ba sira nia maluk sira iha ida-idak nia servisu fatin
“Formador sira ne’ebé mak tuir ona formasaun, imi bele ba fahe fali ba imi nia belun sira no iha imi nia servisu fatin atu nu’uné bele aumenta tan Jornalista sira ne’ebé mak iha Timor laran ida ne’e nia kuiñesimentu hodi atinji sira nia mehi iha futuru”. Nia hatutan
Entertantu formadora Dra. Joana Cunha hateten formasaun ida ne’e hodi aumenta Jornalista sira Nia kuiñesimentu Kona-ba números atu sira komprende indikador sira ne’ebé mak di’ak no bele hakerek notisia ho di’ak
“Formasaun Matematika ida ne’e sira tuir fulan ida nia laran, remata ona ohin loron hodi fo sertifikadu ba Jornalista nain ruanulu resin ida (21) ne’ebé mak tuir ona formasaun matematika ida ne’e. Total Jornalista nain ruanulu resin haat (24) mak tuir formasaun ida ne’e maibé simu sertifikadu ida ne’e sira nain ruanulu resin ida (21) mak simu sertifikadu, nain tolu (3) Mak la ativu iha formasaun ida ne’e”. dehan nia
Entretantu, formasaun ida ne’e iha oras haat (4) nia laran iha loron ida to’o Fulan ida nia laran no ohin konsege entrega formandu sira nia sertifikadu ho susesu
Jornalista : Antonio Tilman
Editor: Luis dos Santos