Estudante FECT-UNTL Sosializa Matéria Jeolojia Ba Estudante Eskola SAKROJES Baucau

SAPNewsTL, Baucau: Estudante Departamnetu Jeolojia no Petróleo, Fakuldade Enjeñaria Siénsia no Teknolojia UNTL halo Sosializasaun kona-ba kunhesimentu Jeolojia ba estudante Sekundáriu Sagrada Coraçao de Jesus (SACROJES) hamutuk hitunulu iha Baucau

Tuir Xefe Nukleu Departamentu Jeolojia no Petroleo Abilio Isac Casimiro Lopes hateten objetivu husi sosializasaun ida ne’e atu eleva kunhesimentu estudante sira nian oinsa se sira bele kunhese siensia ne’e no bele estuda wainhira tama iha universidade

“Aktividade ida ne’e realiza tanba inisiativa rasik husi estudante Jeolojia Petróleo UNTL atu sosializa materia Jeolojia hanesan Introdusaun Jeolojia, Rekursu Jeolojia iha Timor Leste, Risku Jeolojia iha Timor Leste no Aplikasaun Jeoloja nian, atividade sosializasaun ida ne’e hetan akompañamentu husi Nukleu Jeolojia Petróleo no apoiu maksimu husi Departamento Jeolojia no Petróleo”. Dehan Xefe Nukleu Departamentu Jeolojia no Petroleo Abilio Isac Casimiro Lopes iha Eskola SACROJES ba Jornalista SAPNewsTL liu husi Via WhatsApp, Sexta-Feira, 5/08/2022.

Xefe Nukleu ne’e aumenta, atividade ida ne’e hetan partisipasaun makás husi estudante SACROJES ne’ebé nakonu ho alegria no entusiazmu tebes hodi partisipa to’o remata.

“Estudante hamutuk nain hitunulu (70) husi 10^o ano , 11^o ano no 12^o ano hamutuk ho representante Diretór da Eskola SACROJES, Professor sira no estudante estajiáriu husi UNTL”, Nia hatutan.

 Iha fatin hanesan, Reprezentante Diretór Eskola Profesor Joãojinho Freitas Belo agradese no sente orgullu ho estudante Jeolojia no Petróleo nia prezensa iha sira nia Eskola hodi fahe ona informasaun Jeolojia iha eskola refere.

“Ha’u sente orgullu teb-tebes ba programa Departamentu Jeolojia no Petróleo nian ne’ebe ohin bele mai iha ami nia eskola hodi partilla ona informasaun Jeolojia nian,  ba rekursus jeolójikus ne’ebé iha ita nia rai laran. Nia subliña

Jornalista : Luis Pailofo