Jornalista Destakadu PN Tuir Semináriu, Jornalista Barak Hakerek Seidauk Tuir Padraun Dalen Tetun
SAPNewsTL, Dili : Sekretariu Jeral Parlamentu Nasionál realiza seminariu ba jornalista destakadu sira iha Parlamentu Nasional, objetivu husi seminariu ne’e atu kompartilla ba Jornalista sira kona-ba materia husi parlamentu nasional no avaliasaun ba notísia ne’ebe mak publika iha publiku
“Diresaun komunikasaun social ne’ebe mak aproveita masimu parsialidade ho nia ezemplu hanesan mikrofon iha ita nia oin maibe ita la utiliza dadauk ne’e deit ita ko’alia ba malu la rona malu sai hanesan problema ida ne’ebe mak ita hasoru, Jornalista sira ne’ebe mak destakadu iha ne’e la’os hanesan ema ne’ebe foun maibe jornalista sira ne’e bele dehan tuan ona iha ne’e no sira mak lor-loron hala’o servisu iha fatin refere.”Dehan Sekretariu Jeral Parlamentu Nasionál Adelino Afonso de Jesus ba jornalista sira iha sala GMPTL sexta-feira(05/08).
Nia hatutan Jornalista sira destakadu iha ne’e mai hamutuk hodi halo avaliasaun oinsa mak atu fornese notisias ba públiku, importante tebes hanesan jornalista akreditadus kobertura iha ne’e hodi publika sai noticias parlamentu nian ba komunidade sira.
“Ami espera katak ho partisipasaun husi maluk jornalista sira no formadores sira balun ne’ebe iha ona esperiénsia konaba lezislativa nian ne’e para bele forma jornalista sira bainhira atu publika notisia sira karik terminologia parlamentar nian jornalista sira bele hatene no komprende ona”. Dehan nia
Entretantu, nia hateten jornalista sira lee barak ne’e hatene mos buat barak husi sira nia vontade hakarak lee no materia ne’ebe mak kona-ba parlamentu nasional nian ne’e laos materia ida ne’ebe mak hetan iha eskola sekundaria no universitaria sira maibe mai iha parlamentu mak foin bele hetan.
“Husu ba jornalista sira bainhira hakerek notisia ruma tenki tuir ita nia padraun tetun nian tanba dala barak ami asiste no lee maioria notisia ne’ebe mak publika sai la tuir padraun tetun ita nian, ne’e sai hanesan input kritiku ida ba maluk jornalista sira, nune’e bele hadia padraun tetun bainhira hakerek notísia.”Hakotu nia.
Entretantu, Semináriu Ba Jornalista destakadu iha Parlamentu Nasional liu husi diresaun orgaun komunikasaun sosial ida ne’e, hetan mos partisipa husi Jornalista SAPNewsTL inklui media sira seluk
Jornalista : Lidia Amaral