Kera Sakti Postu Luro Halo Re-Integrasaun, KRAM Husu AM Kria Paz & Estabilidade

SAPNewsTL, Lautem: Organizasaun Arte Marsiais IKS PTL Kera Sakti sabadu liu ba hala’o serimonia re-integrasaun hodi hala’o fila fali sira nia aktividade treinu sira ba membru tuan no foun iha Postu Administrativu Luro, Munisipiu Lautem

Iha diskursu Reprezentante Prezidente Komisaun Reguladora Arte Marsiais (KRAM) Sergio Eugenio Santos haktuir apresia tanba IKS PTL Kera Sakti bele reintegra ona sira nia atividade hodi reativa hikas sira nia treinu ba membru sira

“Apresia ba Ikatan Keluarga Silat, Putra Timor Leste Kera Sakti (IKS PTL Kera Sakti) bele reintegra hikas imi nia atividade hodi kontinua fo treinu ba membru sira iha Luro, akontesimentu ne’ebé mak akontese iha ita nia Munisípiu, ida ne’e responsabilidade husi Sub KRAM ninian no lakohi ema lori nia kanuru tohar hatama iha Munisípiu Lautem reprezenta Arte Marsiais, Fatin ida deit mos bele ona reintegra ba sosiedade tanba maluk sira husi KORK, PSHT no sira seluk ne’e hotu ona, hela de’it Kera Sakti mak seida’uk” Reprezentante Prezidente Komisaun Reguladora Arte Marsiais (KRAM) Sergio Eugenio Santos iha nia diskursu, Postu Administrativu Luro, 18/03/2023

Nia akresenta, antes ne’e tanba mosu desintendimentu maka hapara tiha arte marsial tolu, maibe guvernu liu husi Sekretaria Estadu Juventude Desportu reativa hikas ona, ohin halo ona reintegrasaun hodi halo fila fali treinu sira ba futuru iha Luro

“Re-Integrasaun tanba mosu desentendimentu ne’ebé mak hapara tiha arte marsiais tolu durante barak Nia laran hanesan arte martsiais IKS, KORK, no PSHT, entaun kuandu reativa ona, ita presiza iha regulamentu ida husi ne’e mak KRAM halo nia knaar hodi produs diretiva, Lei ne’e vale ba ita hotu, Arte Marsiais hotu-hotu tenke tuir regras ne’ebe mak iha, lei ne’e mai husi diretiva primeiru no diretiva segundu bazeia ba lei konstituisaun nu.5/2016.”. nia fundamenta

KRAM mos husu ba IKS PTL Kera Sakti, KORK, PSHT, Sete Sete, atu kria paz, unidade no amizade tanba Timor oan sira mai husi mai husi inan ho aman ida iha rai Timor Leste ida deit

Entretantu, Organizasaun IKS PTL Kera sakti iha Postu Administrativu Luro iha Klubu lima mak husi Luro, Baricafa, Lacawa, Buanomar no Afabubo Mak íntegra an Ona iha Sukursal Lospalos

Enkuantu, partisipa iha serimonia ne’e, prezensa husi KRAM Munisipiu Lautem, Reprezentante Administrador Postu Luro, USPA SEJD Luro, Veteranus, Organizasaun Rezistensia, PNTL, Autoridade lokal, reprezentante arte marsiais no rituais sira

Jornalista : Luis Pailofo