Sidadaun Barak Hadau Malu Númeru Formatura Halo Eleitoral
Imajen: Sidadaun Sira Hakarak Halo Eleitoral Formatura Iha Edifísiu Postu Administrativu Nia Oin Iha Fatuhada, Dili kuarta (22/03/2023)
SAPNewsTL, Dili: Sidadaun Barak Obrigatoriu forma no hadau númeru formatura nian iha edifisiu administrasaun postu administrativu Dom Aleixo trata kartaun eleitoral tanba kada loron servisu atendimentu eleitoral simu de’it ema nain-60.
Tuir observasaun jornalista Media SAPNewsTL iha kuarta semana ne’e iha edifísiu postu administrativu Dom Aleixo nota katak, kada loron sidadaun sira sempre mai forma antes tuku 08:00 dader tanba parte servisu atendimentu eleitoral kada loron atende de’it ema nain-60, tan ne’ea sai obrigatoriu ba sidadaun barak tenke forma hodi hadau númeru limitasaun nian.
situasaun ne’e, halo sidadaun sira la satisfas tanba tenke forma no hamrik de’it, durante oras rua ka tolu nia laran, maibésira pasiensia tanba hakarak trata sira nia kartaun eleitoral, ba tempu eleisaun parlamentar ne’ebe besik dadauk ona, tuir kalenderaiu prezidente repúblika promulga sei monu iha Loron 21 fulan maiu Tinan 2023.
Enkuantu sidadaun ne’ebé mai trata asuntu kartaun eleitoral, kompostu husi sukuManeluana, Bairo-Pite, Madohi, Comoro, Fatuhada no Kampung Alor tanba suku sira ne’e hola parte ba Postu administrativu Dom Aleixo munisípiu Dili.
Entretantu notisia kompletu ekipa Media SAPNewsTL sei rekola no públika iha oras balun tuir mai.
Jornalista: Grigorio Saniba