KI Husu Jornalista Luta Hasoru Krize Ambientál

SAPNewsTL, Dili- Iha Konferensia Internasionál, The Dili Dialog Forum, Presidente Konselho Imprensa (KI) Oteli Ote hatete nasaun ne’ebe mak midia iha no dezenvolve aan ho di’ak, hatudu sinal nasaun ne’e nasaun demokratiku duni, tan ne’e liuhusi konferénsia ne’e atu investe kunhesimentu, eleva kapasidade intelektual jornalista sira nian liliu kona ba papel média hasoru krize ambiental.

 

Timor-Leste nu’udar nasaun ne’ebe iha prosesu rekonstrusaun, hatudu progresu signifikante iha setor dezenvolvimentu hotu, inklui dezenvolvimentu meius komunikasaun sosial.

 

“Nasaun ne’ebe mak midia iha no dezenvolve aan ho di’ak, hatudu sinal nasaun ne’e nasaun demokratiku duni. Sinal seluk, mak nasaun ne’e nia Parlamentu Nasional funsiona ho di’ak no realiza eleisaun sira ho susesu”. Tenik Presidente KI Otelio Ote liu husi diskursu iha Salaun Multiozu GMN Dili, 10/05/2024

 

Iha aspetu Meius Komunikasaun Sosial, Timor-leste hatudu nia progresu pozitivu. Atualmente, iha Meius Komunikasaun Sosial (Imprimi, eletronika no internte ka online notisia) rejista ona hamutuk 48, Husi Plataforma tolu ne’e, media online iha 21, barakliu kompara ho jornal 4, Televizaun 4 no Radiu iha 18, inklui ona Radio Komunidade sira, enkuantu jornalista ativu hamutuk 300 resin no jornalista simu karteira profisional hamutuk 400 resin.

 

Konsellu Imprensa, nu’udar instituisaun Estadu Independente no asumi knaar ka kompoetensia atu garantia asesu informasaun, Liberdade espresaun, Liberdade imprensa no independensia editorial.

 

“KI sei eleva kapasidade teknika, profisional no intelektual jornalista sira nian, kontinua dezenvolve komunikasaun no kooperasaun ho entidade hotu, atu fasilita formasaun no forma kapasitasaun seluk tan, atu midia funsiona ho di’ak no iha kualidade”. Nia  afirma.

 

Otelio dehan, Programa Dili Dialog Forum ne’ebe hahu kedas iha tinan 2018, maihusi rezultadu seminar internasional ida iha Dili tinan 2017, koa’lia kona-ba liberdade imprensa, no liderdade esprezaun iha Rejiaun Sudeste Aziatiku no Pasifiku.

 

Kada tinan, selebra Dili Dialog Forum ho Tema Diferenti. Tinan ne’e,hili tema “Papel Midia Hasoru Krize Ambiental”. Tema ne’e, nu’udar kontinuasaun husi tema Loron Mundial Liberdade Imprensa tinan 2024, kona ba “Imprensa ba Planeta. Jornalizmu iha krize Ambiental nia oin.”

 

“Timor-Leste mos infrenta krize ambiental. Ai-oan menus tanba tradisaun no kultura uza ai ba sunu, halo uma, tradisaun taa ai halo to’os no seluk tan. Ita hatene nia impaktu ba planeta no ba umanu. Maibe, media no jornalista la tau iha kestaun ka prioridade ba kobertura no publikasaun notisia, atu sensabiliza ba publiku ka mak kaer desizaun politika sira, kona-ba benefisiu husi ambiente matak no nia impaktu negativu bainhira planeta sem ambiente matak”.

Presidente Konsellu Imprensa, Otelio Ote

Programa Dili Dialog Forum ne’ebe hahu kedas iha tinan 2018, maihusi rezultadu seminar internasional ida iha Dili tinan 2017, koa’lia kona-ba liberdade imprensa, no liderdade esprezaun iha Rejiaun Sudeste Aziatiku no Pasifiku.

 

“Dili Dialog Forum, ne’ebe ohin lori ita hotu mai hamutuk iha fatin kmanek ne’e, parte ida husi maneira sira, atu investe kunhesimentu, eleva kapasidade inteltual ita hotu nian nu’udar media no jornalista”.

 

Kada tinan, selebra Dili Dialog Forum ho Tema Diferente, Tinan ne’e hili tema “Papel Midia Hasoru Krize Ambiental”. Tema ne’e, nu’udar kontinuasaun husi tema Loron Mundial Liberdade Imprensa tinan 2024, kona ba “Imprensa ba Planeta. Jornalizmu iha krize Ambiental nia oin.”

 

“Timor-Leste mos enfrenta krize ambiental. Ai-oan menus tanba tradisaun no kultura uza ai ba sunu, halo uma, tradisaun taa ai, halo to’os no seluk tan, ita hatene nia impaktu ba planeta no ba umanu. Maibe, media no jornalista la tau iha kestaun ka prioridade ba kobertura no publikasaun notisia, atu sensabiliza ba públiku ka makaer desizaun politika sira, kona-ba benefisiu husi ambiente matak no nia impaktu negativu bainhira planeta sein ambiente matak.” Nia informa

 

Espera liuhusi Tema Ambiental iha Dili Dialog Forum ida ne’e, bele hasa’e ema hot-hotu nia konhesimentu no sensibilidade ba ambiente.

 

“Ba futuru, Konsellu Imprensa mos sei esforsu hamutuk ho parseiru sira atu produz Manual Reportajen Ambiental atu komunidade midia uza nu’udar matadalan ba kobertura no prosesu produsaun notisia Ambiental. Ita hamutuk salva Planeta husi ita nia atensaun ba dizaminasaun informasaun kona – ba Ambiental”.

 

Iha eventu Dili Dialog Forum ne’e hetan partsipasaun husi Presidente Parlamentu Nasionál Maria Fernanada Lay, Sekretaria Estadu Komunikasaun Sosial, Prokuradoria Jeral da Repúblika, Orador internasional nain haat, Estrutura Media sira, Jornalista sira no konvidadu sira.

Jornalista : Ermelinda Soares