Tinan 2023, Traballador Timor Oan Hatama Osan 204 Millões Mai Rai-Laran

SAPNewsTL, Díli – Governador Banco Central Timor-Leste (BCTL) Helder Lopes informa traballador Timor oan ne’ebe servisu iha nasaun seluk hatama osan hamutuk 204 millões iha tinan 2023.

“Ita nia fonte osan ida mak mai husi remeses, iha tinan 2023 traballador Timor oan ne’ebe servisu iha  Inglaterra, Irlandia, Austrália, Corea do Sul no país sira seluk, sira haruka osan hamutuk 204 millões (204.000.000.00) mai rai laran, kada tinan sempre aumenta”. Tenik Goverdor BCTL Helder Lopes ba jornalista sira iha Palasiu Governu, 09/05/2024

Iha parte seluk, Governador BCTL ne’e hatutan, fundu minarai iha trimestre dahuluk tinan 2024, nia retornu hamutuk 441.900.000, relatóriu husi fulan janeiru to’o marsu fundu minarai sei iha 18.45 billões.

“Fundu minerais trimestral dahuluk tinan 2024 nia retornu hamutuk  441,900.000, signifika ita hetan retornu ne’ebe pozitivu. Orsamentu trimestra husi janeru to’o 31 Marsu, fundu minerai hamutuk  18.45 Billões tanba ita nia explorasaun minerai la iha ona, reseita tun ona ba 20 millões ital deit.” Helder Lopes informa

Helder klarifika produsaun mina laiha ona, fundu pegrolíferu hela 18.45 mill millões tanba ne’e presiza uza ho kuidadu no aposta ba investimentu sira ne’ebe bele fo retornu iha futuru.

“Ita nia produsaun mina laiha ona, fundu minarai sei iha uituan 18.45 billões tanba ne’e ita presiza uza ho kuidadu, uza laos ba konsumu deit mais halo mos investimentu, nune’e wainhira fundu minarai mohu, ita bele iha nafatin sustentabilidade”.Nia deklara

Enkuantu, daudaun ne’e governu liu husi SEFOPE kontinua prepara no haruka traballador Timor oan sira ba rai-liur tanba kriasaun oportunidade de empregu ba Timor oan sira iha rai laran mos seidauk naton.

Jornalista : Dircia Baptista Belo