Produsaun Mina Laiha Ona ! Reseitas Tun Ba 20 Milhões, Rikusoin Hela 18.45 Billiões

SAPNewsTL, Díli :  Hafoin hasoru malu ho Primeiru Ministru Kayrala Xanana Gusmão, Governador Banco Central Timor-Leste (BCTL) Helder Lopes informa produsaun mina laiha ona, fundu pegrolíferu hela 18.45 mill milliões tanba ne’e presiza uza ho kuidadu no aposta ba investimentu sira ne’ebe bele fo retornu iha futuru.

 

“Ohin mai hasoru primeiru ministru (PM) hodi relata reatoriu anual fundu minerai,apresenta mos relatoriu Desenpenu ekonomiku 2023 ba PM hodi apresenta ba konsellu ministru entidade relevante sira, ita nia produsaun mina laiha ona, fundu minarai sei iha uituan 18.45 billiões tanba ne’e ita presiza uza ho kuidadu, uza laos ba komsumu deit mais halo mos investimentu”. Tenik Goverdor BCTL Helder Lopes ba jornalista sira iha Palasiu Governu, 09/05/2024

 

Governador BCTL ne’e hatutan, fundu minarai iha trimestre dahuluk tinan 2024 hamutuk 441.900.000, reseita ne’ebe hetan tun ona ba 20 itál milhões tanba produsaun mina laiha ona, enkuantu husi fulan janeiru to’o marsu fundu minarai sei iha 18.45 billiões.

 

“Fundu minerais trimestral dahuluk tinan 2024 nia retornu hamutuk  441,900.000, signifika ita hetan retornu neebe posetivu. Orsamentu trimestra husi janeru to’o 31 Marsu, fundu minerai hamutuk  18.45 Billiões tanba ita nia explorasaun minerai la iha ona, reseita ne’ebe ita hetan mos tun ona ba 20 itál milhões.” Helder Lopes informa

Helder Lopes dehan, Kresimentu ekonómiku tinan 2023, tuir estimasaun iha desempenhu ekonomiku iha 2,9%, finansiamentu ba despeza governu kada tinan sempre foti husi fundu petrolíferu por volta de 300 millões.

 

“Ita nia kresimentu ekonómiku agora iha 2.9%, ita tenke dada osan minerai ne’e  hodi finansia despeza publiku maibe ita tenke uja ho kuidadu, labele ba deit konsumu maibe presiza halo investimentu, nune’e bainhira fundu minerai mohu ita nafatin iha sustentabilidade”.Nia afirma

 

Liga ba inflasaun, governador ne’e informa iha tinan 2023, inflasaun sa’e ba 7,8% maibe iha tinan 2024, inflasaun tun ona ba 2,7% tanba governu hatun ona taxa balun.

 

“Inflasaun iha tinan 2023 sa’e ba 8,7%, enkuantu iha fulan marsu 2024 inflasaun tun ona ba 2,7% tanba governu hatun ona taxa”.

 

Iha sorumutu ne’e mos ko’alia kona ba esbelesimentu banku dezenvolvimentu nasional no banku veteranu nian

 

“Diskusaun ohin la’o diak tebes, ami moa ko’alia uitaun kona ba plau governu ba estabelesimentu ba dezenvolvimentu nasionál no plan konsellu veteranu estabelese banku veteranu, oinsa nia rekezitu no aplikasaun sira”. Nia hameno

 

Jornalista : Dircia Baptista Belo