Komandu PNTL Lautem Hasa’e Diviza Promosaun Ba Saudozu Abilio Fernandes

SAPNewsTL, Lautém : Komandu Polísia Munisípiu Lautém, Realiza Serimonia Promosaun Diviza, No serimonia parada Despedida Ba Saudozu Chefi Primeiru Sarjentu, Saudozo Abililio Fernandes, ne’ebe husik ona Familia iha Loron Sesta Féira Semana Kotuk, Serimonia promosaun diviza ne’e hala’o iha Aldeia Assalaino Suku Fuiloro, Munsipiu Lautem

Iha Serimonia Parada Promosaun Diviza ne’e,Komandante Polisia Munisipio Lautém, António Rego Fernandes hateten Diviza Promosaun ne’e la’ós ba de’it Membru PNTL ne’ebé sei Moris, Maibé Mós Ba Membru PNTL ne’ebe mate ona.

“Ha’u Ata Lori PNTL No Komanda PNTL Munisipiu Lautém,hato’o Sentidu Konfulensia Ba Família Enlutada,Saudozu Abilio Fernandes, iha ne’ebé husik ona Familia boot Instituisaun PNTL Munisipiu Lautém, no família hotu, Nune’e Ha’u dehan ba imi hotu katak Serimonia parada promosaun Diviza ne’e,Mate ona maka Hafoin Fo ba nia,maibé moris la fó, iha mundu seguransa forsa Militár F-FDTL no PNTL, La’ós de’it iha tempu moris maka hetan Diviza maibé Mate mós bele hetan, tanba tuir dekretu Lei númeru 16/2009 iha artigu 9, ne’ebé ko’alia kona-ba modalidade promosaun, Ba membru PNTL iha Timor Leste”.Esplika komandante PNTL Munisipiu Lautem António Rego Fernandes, Iha Fuiluro, Lospalos, Munisipiu Lautem, Tersa-Feira 06/12/2022.

Nia hatutan, Iha instituisaun PNTL, Iha Diviza Promosaun iha nia tipo haat mak hanesan, Modalidade Promosaun Por antiguidade, Modalidade Por Eskolha, Modalidade Por Nomeasaun,Modalidade Por Titlo Exensional, Husi Modalidade ha’at Ne’e, maka sempre fo ba Membru PNTL sira.

“Iha instituisaun PNTL, ba Promosaun Diviza, iha ninia Modalidade Ha’at ne’e maka membru sira sei hetan husi sira nia moris to’o mate maka, Modalidade Promosaun por antiguidade, Modalidade Por eskolha, Modalidade Nomeasaun, Modalidade Titlo Exensional, Modalidade hirak ne’e, maka instituisaun sempre fo no valoriza nia membru sira” Nia haforsa tan.

Entertantu Ba serimonia parada promosaun Diviza ne’e fo Sentidu Kondolensia no hakotu relasaun Saudozu Abilio Fernandes ho Instituisaun PNTL nian, husu ba família Saudozu atu nafatin servisu hamutuk hodi kontribui ba estadu Timor Leste nian.

Alende ne’e iha Serimonia ne’e, Chefi Komando PNTL Munisípiu Lautém, oficialmente hasa’e Diviza Saudozu Abilio Fernandes husi primeiru sarzentu ba iha sefia ho kargu fitun ida. enkuantu, partisiapa iha Serimonia ne’e kompostu husi Segundu Komandante PNTL, Komandante Polísia eskuadra munisipal, Oficiais PNTL no familia matebian nian.

Tuir plano Ba serimonia funebre sei hala’o iha loron Kuarta feira 07/12/2022. iha Horas 10:00 Dader iha Santa kruz Assalaino suku Fuiloro.Postu administrativu Lospalos Munisipio Lautém.

Reportazen : Grigorio Saniba