Kombate Dezempregu ! CCI-TL Sei Haree Dejafiu & Oportunidade

SAPNewsTL, DILI- Camara de Comercio e Industria de Timor-Leste (CCI-TL,sigla Portugues) realiza serimonia asembleia geral anual ordinaria tinan akademiku 2023, hodi diskute planu estratejiku, entre CCI-TL ho emprejariu sira, hodi reforsa ekonomia rai laran.

Tinan kotuk molok estrutura eleitu,CCI-TL, halo ona asembleia geral ida objetivu dikute planu no avaliasaun ba progresu serbisu ne’ebe atingi ona no identifika serbisu organizasaun nian,Ohin asembleia geral anual, tuir estatutu Camara Comercio Industria Timor-Leste nian tinan-tinan tenke asembleia geral anual.

“CCI-TL nu’udar organizasaun bo’ot ne’ebe liga ba aktividade ekonomika rai laran liu-liu ba emprejariu sira ne’e presija ko’alia atu hare no halo avaliasaun ba organizasaun ne’e rasik, atu koalia mos kona-ba asuntu ekonomia rai laran no dezafiu sira, opportunidade saida” Hatete, Camara de Comercio e Industria de Timor-Leste PrezidenteLeste, (CCI-TL), Gorze Serano ba Jornalista sira iha salaun, Delta Nova Sexta (17/11/2023).

Prezidente, (CCI-TL), Gorze Serano, salienta atu hadia ekonomia rai laran presiza kontribuisaun ema hotu nian, responsabilidade, ba emprejariu sira halo negosiu atu partisipasaun hotu-hotu nian liu-liu agrikultura nia partisipasaun atu hasa’e produsaun ekomonia.

“CCI-TL sei iha diskusaun interna ne’ebe koalia kona-ba estratejia camara comercio no membru sira nian ba futuru atu rona emprejariu sira mai husi munisipiu, Assosiasaun emprejaria sira, no ita atu rona kona-ba nesessidade rai laran liu-liu parte ekonomia, negosiu, hare ba empregu iha rai laran no dezempregu iha rai laran no oinsa atu kombate, hare produsaun iha rai-laran no liga ba ekonomiku rai-laran”. Nia Sublinha

Iha fatin hanesan, Sekretariu Estadu Kooperasaun, Arsenio Pereira, reforsa katak, tuir kontituisaun Republika Demokratika de Timor-Leste (RDTL) preve ona pilar ekonomia, ida mak sektor pivadu,sektor kooperativa no sektor publiku.

Governu hanoin katak sektor tolu(3), ne’e importante tanba ne’e mak bainhira ekonomia la’o diak, papel importante liu mak sektor privadu.

“Tinan-tinan Ita nia osan barak mak sai ba liur tanba ita la iha investimentu liu-liu setor privadu sira ladun fokus investe iha sektor produtivu sira,tanba ne’e mak husi nasaun seluk mak mai investe fali iha sektor produtivu sira iha ita nia pais hanesan agrikultura”.Arsenio Pereira haktuir

Entertantu, Governador Banco Nasional do Come Timor-Leste (BNCTL) Helder Lopes, afirma tuir dadus ekonomiku iha ne’eba buat ha’at(4) ne’ebe mak ohin partilha primeiru kontribuisaun ba sektor privadu, ba ekonomia ne’ebe sei kiik tebes.

Investimentu ba sektor privadu ba ekonomia Timor-Leste dadus tinan kotuk nian menus husi 30% signifika Timor nia ekonomia agora dadaun ninia baze laos investimentu husi sektor privadu maibe ho despeza estadu nian.

“Segundu ita hare, Kreditu husi banku sira nian ba sektor privadu sei kiik ne’e menus husi 20% menus liu kompara ho iha Ilha Pasifiku sira. Terseiru Osan ne’ebe sai ba liur makas liu do que osan ne’ebe mai iha ita nia rai, dadus iha tinan pasadu osan ne’ebe sai ba liur hodi sosa deit sasan besik billiaun 1, tanba ita la produs iha rai laran ita labele absorve nune’e osan ne’e tenke sai”. Nia dehan

Dirigente Banco Nasional do Comercio de Timor-Leste (BNCTL) deklara partisipasaun Timor-leste nian iha forsa trabalho kiik teb-tebes banhira kompara ho nasaun iha ninian nivel ekonomia no populasaun hanesan ho ita.

Jornalista : Marcella Mery da Costa