Kondekora Liurai Brunei ! Nu’udar Rekunhesimentu Kontribuisaun Ba Paz Iha TL
Imajem : Presidente Repúblika Jose Ramos Horta tula Liurai Brunei Darusalam Sultan Haji Hassanal Bolkiah Mu’izzdain Waddaulah no Primeiru Ministru Kayrala Xanana Gusmão hafoin to’o iha Aeroportu Comoro, 20/05/2024.
SAPNewsTL,Díli- Prezidente Repúblika José Ramos Horta kondekora Liurai Brunei Darusalem, Sultan Haji Hassanal Bolkiah Mu’izzdain Waddaulah ho ordem Timor-Leste grande kolar, ne’ebe konsagra iha dekretu lei Nú 20/2009 nu’udar rekoinesementu, no kontribuisaun bá paz no estabilidade iha Timor-Leste.
Liu husi discursu Prezidente Repúblika José Ramos Horta, iha ambitu komemorasaun restaurasaun Independensia bá dala ruanulu resina rua 22, hateten, ohin nasaun Timor-Leste hamutuk ho povu tomak selebra loron importante 20 de Maiu, hamutuk ho bainaka espesial Brunei Darusalem, Sultan Haji Hassanal Bolkiah Mu’izzdain Waddaulah.
“Ita nia bainaka liurai Brunei Darusalam, nia ukun nia liurai ho dame, estabilidade, no Brunei mos kontribui pás no estabilidade iha rejiaun ita nian”, Dehan Presidente Prezidente Repúblika José Ramos Horta, liu husi nia diskursu iha Palásiu Presidensial Nicolau Lobato, Aitarak laran, Segunda (20/05/2024)
Xefi estadu hatutan, Povu Timor-Leste fo rekoinesementu ba Majestade Brunei Darusalem, Sultan Haji Hassanal Bolkiah Mu’izzdain Waddaulah nu’udar agradese bá liurai bo’ot ne’ebe hahu’u apoiu independensia Timor-Leste nian no buka tulun Timor-Leste nia adezaun bá Associação das Nações do Sudeste Asiático(ASEAM Sigla Português).
Enkuantu Sultan Haji Hassanal Bolkiah Mu’izzdain Waddaulah hateten, profunda gratidaun generojidade ida ne’e nu’udar rekoinesementu bá nia kontribuisaun bá estabilidade iha rejional.
Entertantu, iha serimónia komemorasaun ne’e partisipa husi Prezidente Repúblika José Ramos Horta, Prezidente Tribunal Rekursu Deolindo dos Santos, Prezidenti Parlamentu Nasional Fernanda Lay, Primeiru Ministru Kay Rala Xanana Gusmão, inklui líderes istoriuku sira, veteranua no Povu Timor-Leste.
Jornalista : Marcela Mery da Costa