São Jose Halakon Lica Lica Lemorai Ho Skore 2-1

SAPNewsTL, Dili: Klube São Jose halakon nia adversariu Lica Lica Lemorai FC iha jogu dahuluk pool D nian ho skore mihis 2-1.

Jogu entre klube São Jose kontra Lica Lica Lemorai FC hala’o iha Estadium Munisipal Díli sesta, (17/05/2024).

Iha jogu parte dahuluk ekipa rua hatun jogador line up diak deit ho ambisaun hakarak manan jogu hodi hetan pontu tolu, nune’e jogador husi ekipa rua pasa bola husi ain ba ain hodi halo presaun no kontra atake ba malu hodi anima tebes adeptu sira sira iha tribun.

Tama minutu 42 São Jose FC marka golu liu husi jogador Expedito da Conceicão hodi muda kedas skore ba 1-0, ho skore refere iha minutu tolu ikus jogu parte dahuluk remata la jogador ida husi klube rua marka tan golu nune’e São Jose FC lidera minutu 45 ho skore 1-0.

Kontinua tama ba jogu parte daruak ekipa rua halo mudansa ba estratejia hodi muda jogu nafatin halo presaun no kontra atake ba malu hodi marka golu atu halo mudansa, nune’e tama ba minutu 47 jogador Orcelio Novelito husi São Jose FC marka tan golu husi suta bola falta, nune’e muda skore 2-0.

Skore 2-0 halo jogador Lica Lica Lemorai FC halo presaun makaas ba São Jos, nune’e tama ba minutu 79 jogador Zenio dos Santos marka golu liu husi suta penalidade muda skore 1-2.

Skore refere halo ekipa rua hasae tan ritmu jogu para marka tan golu maibe la konsege to’o jogu minutu 90 remata skore nafatin 2-1 hodi rezulta São Jose FC manan jogu hetan pontu tolu lidera provizoriu pool D iha Kopa FFTL 2024.

Iha jogu ne’e jogador husi Lica Lica Lemorai FC nain lima hetan kartaun kinur no São Jose FC jogador nain ida, Lica Lica Lemorai FC halo substituisaun ba jogador nain lima no São Jose troka jogador nain haat.

Reportajen: Augusto dos Santos