Konsidera Sai Hun No Abut Ba Timor, Partidu Istóriku ASDT Ezije Justisa

Imajem : Komunikadu Imprensa husi Militante Patidu ASDT, iha Tasi-Tolu, 06/02/2023. Foto : Antonio Tilman

SAPNewsTL, Dili: Partidu Asosisaun Sosial Demokratika  Timorense ( ASDT) husu ba orgaun soberanu  hari’i fila fali sira nia direitu nu’udar partidu  ida ne’ebé konstrui nasaun Republika Demokratika Timor Leste (RDTL)

“Ami estrutura Partidu ASDT nian tomak, husi Municipio Liquica, Bobonaro, Ermera, Dili no  Oecusse, hamutuk ho militante no simpatizante sira hotu,  ami ejize ba Prezidente RDTL,  Parlamentu Nasional, Tribunal Rekursu no Primeiru Ministru RDTL nian, katak, hatuur fila fali ami-nia direitu nu’udar partido tanba  ASDT mak  hanesan partidu istoriku, hun no abut Timor-Leste nian  ba ukun  rasik an katak   liberta patria, liberta povu  timorense”. Dehan  Portavoz Partido ASDT Berta de Jesus Martins ba jornalista iha Fatin Sede ASDT Tasi Tolu segunda (06/02/2023)

Portavoz hatutan,  uniku Francisco Xavier do Amaral mak sai aman proklamador ba nasaun RDTL, sai Prezidente dahuluk ba Proklamasaun independénsia Unilateral no  Nicolau dos Reis Lobato mak sai nu’udar primero ministru  dahulluk   ba Nasaun RDTL nian iha tinan 1975, nu’udar partidu ida ne’ebé konstrui nasaun RDTL nian, hamutuk ho militante no simpatizante sira, husu ba ukun nain sira  katak, keta viola no sai ema ne’ebé negador no lohi-teen ba partidu istoriku,  kamarada sira ukun sei la metin, to’o monu rasik lakohi atu Nasaun RDTL ne’ebé Liberta an, ne’ebé sosa ho ruin no raan, hosi eroi patria maubere  rihun ba rihun ida-ne’e, monu ba estadu falla.

Portavoz Partido ASDT Berta de Jesus Martins

Nia informa, sira nia estrutura partidu  ASDT husi Munisipiu Liquisa , Bobonaro, Ermera,  no   Oecusse, ejize ba Nai  Prezidente Partidu ASDT no Sekretariu Jeral Partidu ASDT nian katak bainhira la hetan notifikasaun ka legalizasaun hosi orgaun kompetente estadu RDTL nian, hodi hatuur hikas partidu istoriku refere iha ninia fatin, nu’udar partidu ida ne’ebé bele kompete ba eleisaun parlamentar tinan 2023 ida ne’e, sira sei mobiliza militante no simpatizante sira husi  munisipiu  hotu inklui Oecusse atu ejize nia direitu no bainhira sei  la hatuur fila fali partidu ASDT, mak ami militante no simpatizante  ASDT nian sei la vota ba kualkér partidu ida inklui sei mobiliza masa mai sidade Dili

Entretantu, Porta voz ne’e husu ba militante no simpatizante sira, liu-liu hato’o ba povu tomak, povu terus na’in sira, mate restu rai timor tomak, katak, labele tauk atu hamriik hamutuk, hodi luta ba direitu ukun ho justisa, katak, justisa ne’e ba ema tomak, Povu Maubere tomak, la haree ba kor , suku, ema boot ka ema kiik, ka kualkér pozisaun ruma, justisa labele ba povu kiik ka povu kbiit laek deit  justisa lolos ida-ne’e mak partidu ASDT nia luta, tuir lema partidu ASDT nian umanidade, solidariedade no Justisa

Jornalista: Antonio Tilman.