Estrutura Partidu ASDT Diferensa Desizaun Polítika, Koordenador HADOF Reafirma Apoia CNRT
SAPNewsTL, Dili : Partido Asosiasaun Social Democratica de Timor (ASDT), hala’o komferensia imprensa reafirma sira nia apoiu ba Partidu Congresso Nacional Reconstrução de Timor (CNRT) iha eleisaun parlamentar 2023, tanba antes ne’e representante Patidu ASDT Sr . Norberto Pinto asina nota entendimentu ida ho Sekretariu Geral Partidu FRETILN, Koordenador ASDT Anjelo da Silva afirma Militantes ASDT kontinua firme apoiu Partidu CNRT ba Vitória
“Ami iha 2022 firmi kedas, ha’u nia an rasik ba firmi kedan ba Partidu CNRT, tanba Partidu ASDT la tama ona bareira eleisaun ida agora ne’e mos nia la tuir tanba ne’e, ha’u hamutuk iha 2022 Sr. Norberto Pinto ne’e hari’i movimentu ida, antes hari’i movimentu ida hadook ne’e ha’u sei hamutuk ho movimentu ida Brigada Xanana iha Tasi-Tolu, ami deide desidi harii fali movimentu ida naran hadomi obra Fransisco Xavier do amaral ASDT, ne’e sai hanesan movimentu ida fo apoiu ba lidera massa fo apoiu ba CNRT”. Dehan Cordenador ASDT Anjelo da silva iha Sede Partido CNRT Bairo dos Grilhos, Quinta (11/05/2023).
Koordenador ne’e hatutan, “Ami sira ne’ebe tuir Avo Xavi, ami sira ne’e mak hetan doutrina, ami nia apoiu ne’e nia Noberto Pinto mak hamutuk ho ami, nia lori ba Gabineti Sekretaria Jeral Partidu FRETILIN, ha’u kontra ninia desizaun ne’e, tanba uluk kedas halo afiliasaun ba kedan Fretilin laiha buat ida”. Nia fundamenta
Anjelo akresenta, “Ami ne’ebe haknar an iha Partidu ASDT, liu husi ami nia Organixasaun massa ne’ebe hanaran Movimentu “Hamutuk Defende Obra Francisco Xavier do Amaral (HADOF), ami desmente sobre assinatura karta entendimentu entre ASDT no Fretilin ne’ebe asina entre senhor Norberto Pinto husi ASDT no Sekretariu Jeral FRETILIN Marí Alkatiri hodi apoiu Fretilin iha eleisaun parlamentar 2023, iha dia 5 de maio 2023”, nia hatete
Koodenador Anjelo fundamenta, “Ami hakarak hato’o ba Militantes no simpatizantes Partidu ASDT no públiku katak desde que Partidu CNRT kandidata Doutor José Ramos Horta ba Presidemte da Republika, Partido ASDT deklara kedas liu husi konferensia impremsa iha dia 28 de abril 2022 ne’ebe hala’o iha nia sede Beduku Comoro. ASDT deklara fo nia apoiu Maximu ba Kandidato Jose Ramos Horta ba Presidente Repúblika ba periode 2022 -2027 no Apoia CNRT lori Kayrala Xanana Gusmão ba Primeiru Ministru hodi hadia krize polítika, ekonómika no sosial”. Nia salienta
Anjelino husu ba militantes no simpatizantes Partidu ASDT iha territoriu laran tomak kontinua firme nafatin no fiar an fo apoiu ba Partidu CNRT hodi manan iha eleisaun parlamentar tinan 2023
Entretantu, antes ne’e iha loron 5 Maiu 2023, Presidente HADOF-ASDT Norberto Pinto halo ona nota entendimentu ho Sekretáriu Jeral Partidu FRETILIN Marí Alkatiri katak ASDT prontu hodi lori vitória ba FRETILIN iha eleisaun jeral tinan ne’e
Jornalista : Esmeralda da Silva