Konstrusaun Projetu Bee Iha Liquisa & Viqueque, BTL, E.P Asina Kontratu Ho Kompaña
Reprezentante Benefisiariu Jose Andrade dos Santos, iha salaun enkontru edifísiu sentrál BTL, E.P, Caicoli Tersa (10/02/2023)
SAPNewsTL, Dili – Bee Timor-Leste Empreza Públika (BTL, E.P) realiza seremónia asina kontratu ho kompañia manan nain sira ne’ebé sei implementa projetu konstrusaun sistema bee moos iha Postu-Administrativu Lacluta, Munisípiu Viqueque no Projetu Instalasaun Liner Tank iha Postu-Administrativu Maubara, Munisípiu Liquiça.
“Ohin ita asina kontratu ho kompania rua para atu hala’o servisu kanalizasaun bee mos iha munisipiu liquisa no viqueque, kada projeitu rua ne’e nia durasaun ba munisipiu rua ne’e iha fulan 6 nian laran hodi benefisia bee mos ba komunidade iha munisipiu rua ne’e”, dehan Presidente Bee Timor Leste Carlos Beloi ba joranlista iha salaun enkontru edifísiu sentrál BTL, E.P, Caicoli Tersa (10/02/2023).
Prezidente hatutan, projetu sistema Bee-Mos postu Admistrativu Lacluta Munisipiu Viqueque konstrui iha suku Dilor ho suku Laline, fonte Bematan Surik Lulik ho Kapasidade 10 ips maibe hala’o esplorasaun 8,86 ips, instalasaun kanu transmisaun 1,378 m, liu kilometru ida instalasaun kanu distributsaun 27596 m, instalasaun metru-tontador ba uma kain unidade 633 serve populasaun 4158 iha tinan (2022) no 6436 (2040) Bee-mos sei fahe mos ba instituisaun sira hanesan postu saude, eskola no igreja, kustu projetu 615,379.36 USD, Liner water Tank 18,108.71 USD la inklui iha kontratu ne‘e, kustu Global 797, 487,578 USD benefisiu kada uma kain husi investimentu 1,150,789 USD, retornu finanseiru sei akontese iha durasaun tinan 30 depois de sistema halo operasaun, ho atual tariféria 0.20 USD kada M43 ho kontribussun tarifa husi uma kain kada fulan 496.20 USD ezekusaun ka implementasaun dura fulan 6″.
Sorumutu Entre BTL, EP hamutuk ho Kompanha vensedor sira hodi selebra akordu projetu bee moos ba komunidade, iha salaun enkontru edifísiu sentrál BTL, E.P, Caicoli Tersa (10/02/2023)
Nia aumenta tan, projeitu konstrusaun sistema bee mos iha postu administarativu Maubara, munisipiu liquica, lokaliza iha Maubara Vila fonte bee matan Perfurasaun ho kapasidade 18 ips maibe hala’o esplorasaun 9 Ips Instalasaun halo tranzmisaun no distribuisaun 14676 m Instalasaun metru-kontador ba uma kain 372, serve populasaun 2232 bee mos sei fahe mos ba instituisaun sira hanesan postu Saude, eskola no igreja, kustu projetu 354 894.16 USD liner water Tank 204.693.2 USD la inklui kontratu ne‘e kustu Global 559,587.21 USD, benefisiu kada uma kain husi investimentu 355.08 USD, retornu finanseiru sei akontese ho durasaun tinan 30 depois de sistema hala’o operasaun ho atual tariféria $ 0.20 USD kada M3 ho kontribusaun tarifa husi uma kain kada fulan 4,899 USD, ezekusaun ka implementasaun durante fulan 6
Iha fatin hanesan Reprezentante Benefisiariu Jose Andrade dos Santos hatete, sente orgullu sai benefisiariu ba projetu ne’e husi VIII governu
“Nu’udar represantante postu adminsirativu Maubara ho Lakluta sai benefisiadu ba Projetu 2023, ha’u sente orgullu tebes ba VIII governu, molok atu tama ba 2023, Lakluta ho Maubara bele hetan oportunidade Projeitu bee mos atu benefisia ba komunidade sira iha munisipiU rua maibe ha’u husu ba emprezariu sira ne’ebé hetan oportunidade hodi hala’o progarama iha postu rua ne’e servisu halo diak tanba Ita halo Laos ba ema seluk ka nasaun seluk maibe ba ita nia nasaun rasik, nune’e ami husi postu rua ne’e nia komunidade sira bele hetan bee mos ho masimu no diak”. temnik nia
Editor : Augusto dos Santos