SAPNewsTL, DILI- Relasiona ho ezonerasaun Diretor Geral Servisu Nasionál de Inteligencia (SNI), Coronel Domingus de Camara (Amico), iha komunikadu Eis Diretor SNI ne’e haktuir, hanesan sidadaun baibain, nia simu karta ezonerasaun ne’e tanba Guvernu ne’e laiha konfiansa ba nia
“IX Governu konstitusionál ida ne’e hakarak reforma justisa, nia servisu laos SNI mak julga ha’u hanesan Diretor SNI, ha’u informa saida deit mak la’o direitamente ba Primeiru Ministru tanba ne’e mak sei karik la halai ba irregularidade ruma kordenasaun ou inkordenasaun ho polisia investigasaun, PCIC no Ministériu Públíku bainhira entrega ona ba sira nia kompetensia, Ha’u la interven ema seluk nia kompetensia”
“Hanesan sidadaun ha’u simu ona karta signifika katak governu ne’e la fo konfiasa ba ha’u, Ami na’in tolu simu karta ejonerasaun ne’e iha sexta-feira, iha karta nia laran ne’e katak dia 1 setembru, ema ne’ebe mak troka ami ne’e iha ona.” Deklarasaun ne’e hato’o husi Diretor Geral Servisu Nasionál de Inteligencia (SNI), Coronel Domingus de Camara Amico) ba Jornalista sira iha resintu (SNI), Segunda ( 04/09/2023).
Diretor sesante ne’e argumenta, Uluk 1975 los duni katak Partidu FRETILIN mak lori povu no kria FALINTIL ne’e los. Ema hotu ko’alia dehan katak tenke muda M ne’e ba T tanba ne’e mak muda ba CNRT, mas kuandu ukun ann hotu FALINTIL iha Aileu ne’e muda ba F-FDTL
“Iha ne’eba ami entrega Polítika ba Polítiku na’in sira, ami halo deit misaun militar, seguransa no farda ne’ebe mak ami hatais ne’e ruin no ran nia folin, ne’ebe tenke respeita ami tenke servi ba estadu la servi ba se deit”, tenik nia.
“Tuir lei mandatu ne’e tinan haat(4),mas ha’u hanesan expulsu maibe veteranu ne’e buat normal, nasaun ne’e Timor oan hotu-hotu nian, maibé iha buat balun ne’ebe halo ha’u mos dúvida, pergunta boot ida mai ha’u mak, dehan fali katak partidariza, ha’u ladun hatene ha’u nia servisu ne’e ba partidu saida, ne’e mak ha’u la hatene maibe hanesan kualidade veteranu ha’u nia partidu mak nasaun”. Koronel Domingos hateten.
Eis Diretor SNI ne’e mos fo agradese ba Funsionáriu sira ne’ebe servisu hamutuk, maske bainhira nia tama nu’udar Diretor sempre iha grupu oioin maibe servisu hamutuk nafatin tanba objetivu ida de’it hodi lori nasaun ba oin
“Ha’u agradese tebes ba funsionariu sira ne’ebe mak iha ne’e, bainhira tama mai iha ne’e grupu oioin ne’ebe mak grupu la gosta malu, gosta malu, ha’u mai iha ne’e Timor ita hotu nian, la gosta malu ne’e buat ne’ebe mak ketak, ba nasaun nian ita nia objetivu ida deit lori nasaun ba oin”. Nia Hakotu
Iha Loron 1 Fulan Setembru 2023, Primeiru Ministru Kayrala Xanana Gusmão, bazeia ba dekretu lei nú. 3 /2009, 15 Janeiru, Servisu Nasionàl Inteligénsia (SNI) nú. 1, artigu 9 liu husi despaixu nú. 006/GPM/IX/2023 ho kompetensia hanesan Primeiru Ministru nomeia ona Senhor Longuinhos Rabindranatha Tagore Domingues de Castro Monteiro hanesan Diretor Jerál Servisu Nasionàl Inteligénsia (SNI) no Senhor Egas de Araujo Moniz hanesan Diretor Jerál Adjuntu SNI
