PM Nomeia Longuinhos Lidera SNI, Koronel Domingos Dúvida Ho Ezonerasaun

SAPNewsTL, DILI- Relasiona ho ezonerasaun Diretor Geral Servisu Nasionál de Inteligencia (SNI), Coronel Domingus de Camara (Amico) hamosu duvida boot ba Diretor sesante ne’e, tanba dehan katak partidariza, maibé Koronel Domingus hetan konfiansa husi Governu da VIII laos substitui husi partidu polítiku ruma

Ohin iha ne’e Xefe Rekursu Humanu ba koordena ho sira, sira bolu nia ba sira dehan katak sira sei halo karta konvite mai ema lubuk ida aban atu entrega servisu ba maluk ne’e iha Palasiu Governu.

“Ami na’in tolu simu karta ejonerasaun ne’e iha sexta-feira, iha karta nia laran ne’e katak dia 1 setembru, ema ne’ebe mak troka ami ne’e iha ona, ohin loron ne’e ami laiha ona. Tanba deit sabadu ho domingu dada to’o ohin maibe lolos ne’e ohin ami iha ona servisu seluk ou iha uma.” Deklarasaun ne’e hato’o husi Diretor Geral Servisu Nasionál de Inteligencia (SNI), Coronel Domingus de Camara Amico) ba Jornalista sira iha resintu (SNI), Segunda ( 04/09/2023).

 

Diretor sesante ne’e argumenta, Uluk 1975, los duni katak Partidu FRETILIN mak lori povu no kria FALINTIL ne’e los. Ema hotu ko’alia dehan katak tenke muda M (Maubere) ne’e ba T (Timorense) tanba ne’e mak muda ba CNRT, mas kuandu ukun ann hotu FALINTIL iha Aileu ne’e muda ba F-FDTL

 

“Iha ne’eba ami entrega Polítika ba Polítiku na’in sira, ami halo deit misaun militar, seguransa no farda ne’ebe mak ami hatais ne’e ruin no ran nia folin, ne’ebe tenke respeita, ami tenke servi ba estadu, la servi ba se deit”, tenik nia.

“Tuir lei mandatu ne’e tinan haat(4),mas ha’u hanesan expulsu maibe veteranu ne’e buat normal, nasaun ne’e Timor oan hotu-hotu nian, maibé iha buat balun ne’ebe halo ha’u mos dúvida, pergunta boot ida mai ha’u mak, dehan fali katak partidariza, ha’u ladun hatene ha’u nia servisu ne’e ba partidu saida, ne’e mak ha’u la hatene maibe hanesan kualidade veteranu ha’u nia partidu mak nasaun”. Koronel Domingos hateten.

Koronel Domingus hatutan, lei ne’ebe SNI nian ne’e ko’alia katak tutela ba Primeiru Ministru deit laos tutela ba partidu ou grupu ou organizasaun ne’e lae.

“Ha’u mai iha ne’e, primeiru ha’u kaer droga ne’ebe mak ita bele ko’alia lider balun ne’ebe mak kaer partidu historiku sira nia familia mak ha’u asegura, lolos ha’u partidariza, ha’u labele kaer sira tanba sira mak fo konfiasa mai ha’u. Segundu ha’u trava osan KHUNTO nian ne’ebe mak la’o la tuir regra ne’ebe mak estabelese iha nasaun ida, Ha’u la hatene ha’u partidariza saida. Terseiru mak questaun balun iha Ministériu Obras Públíkas (MOP) nian ne’ebe mak lideransa balun sa’e sira husi nia knaar”. nia konta

Enkuantu, Iha Loron 1 Fulan Setembru 2023, Primeiru Ministru (PM) Kayrala Xanana Gusmão, bazeia ba dekretu lei nú. 3 /2009, 15 Janeiru, Servisu Nasionàl Inteligénsia (SNI) nú. 1, artigu 9 liu husi despaixu nú. 006/GPM/IX/2023 ho kompetensia hanesan Primeiru Ministru nomeia ona Senhor Longuinhos Rabindranatha Tagore Domingues de Castro Monteiro hanesan Diretor Jerál Servisu Nasionàl Inteligénsia (SNI) no Senhor Egas de Araujo Moniz hanesan Diretor Jerál Adjuntu SNI

 

Jornalista : Marcela Mery da Costa