CDTL Realiza Workshop, Membru Federasaun Barak La Tuir
SAPNewsTL, Dili: Konfederasaun Desportu Timor-Leste (sigla Portuges CDTL) realiza wordshop ko’alia kona importantasia psikolojia desportiva no biomekanika ba prestasaun atleta alta kompetisaun hodi konvida treinador no atleta sira husi federasaun 35 maibe barak mak la tuir.
“Objetivu ba workshop ne’e ami bazeia ba planu CDTL nian tau iha 2023 kona ba biomekanika ba atleta sira no treinador sira oinsa atu prepara atleta laos hare’e ba tekniku deit, fo ona konvite hotu ba federasaun hamutuk 35 atu prepara atleta no treinador mai tuir workshop maibe federasaun ualu deit mak mai”, dehan Sekretariu Jerál CDTL Antonio Carlos de Araújo ba jornalista sira edifisiu CDTL Caicoli, Dili (kinta 31/08/2023).
Sekretariu Jerál ne’e hatutan, workshop halo deit ba atleta no treinador sira ba federasaun 35 eziste iha Timor-Leste no hamahan an iha CDTL inklui federasaun sira prepara hela atleta sira ba kompete Asian Games 2023 iha China para oinsa atu hatene saida mak biomekanika
Nia informa tan, biomekanika ne’e nia relasaun prepara atleta ba prestasaun tan ne’e atu prepara atleta ida ba preparasaun tenki hatene atleta nia isin tomak husi liur to’o laran atu nune’e treinador sira labele iha duvida
“Workshop ne’e importante los no obrigatoriu ba treinador ho atleta sira hodi bele kontinua ba implementa fali iha sira nia federasaun maibe barak mak la tuir”. Nia hatete
Entretantu, treinador ho atleta sira husi federasaun tuir workshop ne’e mak taekwondo, karate-do, voleibol, tenis kampu, boxing no badminton.
Reportajen: Augusto dos Santos