Dezenvolve Desportu TL, CDTL Asina Akordu Ho KONI Iha Jakarta
SAPNewsTL, Dili: Konfederasaun Desportu Timor-Leste (sigla portuges CDTL) ho Komite Olahraga Nasional Indonesia (KONI) asina akordu iha Jakarta iha loron 30 fulan agostu 2023 tanba hakarak servisu hamutuk dezenvolve desportu iha Timor-Leste.
“CDTL ho KONI asina ona akordu iha loron 30 fulan agostu 2023 iha sidade Jakarta, nune’e organiza hamutuk dezenvolve no kontribui prestasaun ba atleta sira”.
“Iha akordu ne’e orienta CDTL ho KONI para hamutuk dezenvolve ita nia organizasaun desportu sira iha Timor-Leste, promove no evita atleta sira uza dopazen, promove prestasaun ba ita nia atleta no treinador no promove kultura desportu eziste iha Timor-Leste ho Indonesia”, Tenik Prezidente CDTL Macario F. Sanches ba jornalista sira liu husi konferensia imprensa iha edifisiu CDTL Caicoli, Dili sexta (01/09/2023).
Prezidente hatutan, implementasaun ba akordu ida ne’e liu husi maneira oi-oin mak husi simpoziu, seminariu no workshop oinsa atu bele inzeta iha dezenvolvimentu ba organizasaun sira.
Atleta Timor-Leste nu’udar kontijente bainaka partisipa kampionatu nasional ne’ebe nasaun Indonesia organiza no realiza jogu sira. Nune’e kria amizade nasaun Timor-Leste ho Indonesia tanba nasaun rua forte iha fronteira.
“Buat sira temi iha akordu atu realiza mak CDTL ho KONI halo planu anual depois parte rua komkorda depois implementa anualmente halo avaliasaun saida atinji no la atinji tanba MOU ne’e pretenente ba CDTL”. Nia subliña
Macario informa, akordu la iha limitasaun tan ne’e estrutura CDTL foun mai karik bele renova deit tanba bainhira iha limitasaun hotu dalaruma la estende tan muda deit konteudu foku tanba ne’e diak ba buka fini atleta ba prestasaun iha Timor-Leste
“Agora sira tenki halibur hamutuk ho federasaun hotu para atu diskute tanba tenki halo prioridade labele manda federasaun 35 hotu maibe lori federasaun mak iha potensia ba kompetente ho hetan esperensia laos partisipa depois mak aprezenta ba governu saida mak federasaun ho CDTL hakarak hodi implementa akordu ho KONI ne’e”. Nia hatete
“Dopazen laos mai husi elementu kimiku deit bele mos husi hahan hodi konvida reprezentante husi KONI mai ko’alia, nune’e atleta sira husi kiik bele hatene no kontrola to’o hetan prestasaun diak no CDTL ho KONI mos sei realiza meza kabuar ko’alia prestasaun iha Timor-Leste”. Macário hateke
Bazeia ba akordu ne’e CDTL ho federasaun sei tur hamutuk halo prioridade ba modalidade sira depois propoin ba KONI tanba sira prontu fasilita ba preparasaun ba atleta ho treinador.
Nia aumenta tan, atividade balun planeadu tiha ona KONI bele mai apoiu no restu konkordansia liu husi planu anual KONI, Estrutura KONI apresia Timor Leste tanba nia estrutura CDTL mesak Foinsa’e Sira
“Estrutura KONI komesa husi Prezidente, Vise Prezidente, Sekretariu Jerál to’o membru hotu apresia tebes ba Timor-Leste tanba estrutura atual CDTL mesak foinsa’e deit mai ho inisiativa barak tebes nune’e KONI mos prontu apoiu”. Nia informa
KONI mos apresia modalidade futebol Timor Leste ne’ebe iha avansu kompara ho tinan sanulu ba kotuk, modalidade boxing, karate-do no taekwondo mak hatudu ona prestasaun, sira mos ezizi modalidade atletizmu tenki diak tanba natureza iha Timor-Leste aas.
Enkuantu, Durante tinan 24 Timor-Leste ho Indonesia seidauk iha akordu ida ba implementasaun, mezmu asina akordu iha 2014 maibe laiha implementasaun
Reportajen: Augusto dos Santos