KRAM Seidauk Rejistu Kompletu Dadus Arte Marsial 17, Governu Sei Apoia 2.5 Milliaun

SAPNewsTL, Dili: Komisaun Regulador Arte Marsial (KRAM) seidauk rejistu kompletu dadus membru arte marsial 17 iha Timor-Leste ne’ebe rejistradu iha KRAM tanba sistema servisu iha arte marsial, no Ritual ida-idak seidauk la’o diak hodi halo resensiamentu ka rejistu nia membru hodi ofisialmente mai hatama iha KRAM.

“Ita iha organizasaun arte marsial hamutuk 17 ne’ebe KRAM sei halo programa resensiamentu ka rejistu membru sira tanba numeru ne’ebe organizasaun sira lori mai ne’e seidauk klaru tanba seidauk prova ho dokumentu membru sira nian tan ne’e KRAM seidauk rejistu numeru ba membru iha organizasaun arte marsial sira ho fiksu”, dehan Prezidente KRAM Fernando da Costa ba jornalista sira iha nia knaar fatin, Lecidere, Dili kinta (19/01/2023)

Prezidente KRAM ne’e hatutan, dadus membru organizasaun Arte marsial seidauk tan ne’e KRAM sei ajuda fo tan formasaun ba organizasaun sira hodi rekolla dadus membru nian hanesan dadus ba fatin treinamentu, treinador no membru sira, resesiamentu ba membru sira importante liu tanba halo funsionamentu organizasaun diak liu tan bainhira hatene ona membru sira bele halo komunikasaun no koordenasaun diak liu tan hodi hatene kapasidade rekursu organizasaun nian diak liu

Resensiamentu diak bele jere organizasaun hodi halo formasaun ba treinador sira depois atu komprova treinador sira nia formasaun mak liu husi kompetisaun para atu hatene treinador membru nia kunesimentu ne’e

Nia Informa, prosesu resesiamentu ne’e sei halo ba organizasaun arte marsial 17 ne’ebe sei la’o tempu naruk oituan maibe KRAM sei aselera kada organizasaun tanba agora problema iha organizasaun arte marsial 17 ne’e mak sira seidauk identifika sira nia membru idak-idak, resensiamentu ne’e sei halo hamutuk ho pakote orsamentu dollar amerikanu millaun 2,5 ne’ebe governu sei apoiu ba organizasaun arte marsial iha Timor-Leste ne’ebe orsamentu atu dezenvolve organizasaun arte marsial 17 hamutuk ho Federasaun Silat Timor-Leste (FESTIL)

Fernando akresenta tan, prosesu ba rejistrasaun organizasaun iha Ministériu Justisa no SEJD hotu ona maibe prosesu resensiamentu ka rejistu membru sira seidauk tanba agora hahu identifika fatin treinamentu sira no komunika ba organizasaun ida-idak atu preprara dadus membru iha territoriu Timor-Leste laran tomak.

Entretantu Organizasaun arte marsial ne’ebe rejistradu iha KRAM maka IKS PTL, PSHT, KORK, Padjadjaran, Seruling Dewata, Sinar Putih, Perisai Diri, Aikido, Wushu, Shorinji Kempo, Judo, Karate-Do, Boxe Amadora, Muay- Thay, Taekwondo, THS-THM, Kolimau 2000

Reportajen: Augusto dos Santos