La Servisu Maibe Simu Osan, PDC Defende Halakon Lei Pensaun Vitalisia
Imajem Vise Presidente PDC Domingos da Costa dada bandeira PDC iha Same Vila no Betanu, sabadu 22/04/2023
SAPNewsTL, Manufahi : Prezidenti Partidu Demokrata Cristaun (PDC) Fransisco De Araujo liu husi kampanha iha Postu Administrativu Same, haktuir PDC hakarak halakon tiha Lei Pensaun Vitalisia (LPV) ne’ebe mak ba deit boot sira hodi haluha tiha povu sira nia terus iha area rural.
“Ohin PDC realiza dor to dor, husi familia ba familia hodi aprejenta sira nia programa ba povu sira PDC fiar no tau konfiansa ba militante no simpatizante sira hodi fo votus ba PDC, PDC kontra tebes lei pensaun vitalisia ne’e mak habokur deit ema ida ka rua deit kada tinan ba tinan osan ba hotu deit ita nia lideransa sira,”Dehan Prezidenti Partidu Demokrata Cristaun Francisco Araujo ba jornalista sira iha Same Vila no Betanu, sabadu 22/04/2023
Lider PDC ne’e fundameta osan ne’ebe mak fo ba lideransa sira ho montante ne’ebe mak boot tebes hodi fo benefisiu ba sira deit, se bele osan ne’e fo ba povu no hasa’e rendimentu ba povu sira no hadia estrada, dada bee moos, eletrisidade neebe mak mate loron iha kada postu, suku no aldeia sira, inklui suku no aldeia balun mak to’o agora seidauk asesu ba iha eletrisidade no estrada.
Imajem : Presidente PDC entrega Bandeira ba Militante sira
“Hadia diak liu tan ita nia setor agtikultura, edukadaun, elerisidade no saude, razaun ne’e mak PDC kontra tebes kona-ba lei pensaun vitalisia tanba bainhira remata ona kargu kontinua simu osan, maski la servisu ona maibe sei kontinua simu nafatin osan nusa osan sira nee la uza ba hadia povu nia moris no halo dezenvolve iha setor sira seluk,”dehan Prezidenti PDC
Entretantu, iha kampanha ne’e hetan partisipasaun maksimu husi Militante sira iha Postu Administrativu Same Vila, Munisipiu Manufahi orseik, no sei kontinua iha Munisipiu Cowalima Postu Administrativu Zumalai iha loron 23 Abril 2023
Jornalista:Lidia Amaral