Loke Avaliasaun ANAAA, MESSK Fiar UNPAZ Bele Produz Rekursu Kualidade & Kompetitivu

SAPNewsTL, Dili : Ministru Edukasaun Superior, Siénsia no Kultura (MESSK) Jose Honorio da Costa Pereira Jeronimo partisipa Lansamentu ba prosesu Avaliasaun programátika husi Ajénsia Nasionàl ba Avaliasaun no Akreditasaun Akadémika (ANAAA) iha Universidade Da Paz (UNPAZ) foin lailais ne’e

Hafoin halo lansamentu, MESSK José Honorio da Costa Pereira Jerónimo konsidera avaliasaun Instituisaun no programátika iha Ensinu Superior importante tebes ba kualidade institusional

“Importante tebes Avaliasaun instituisional no programatika Iha ensino superior importante tebes ba kualidade ensinu superior prosesu avalisaun kontribui buat han (4) hanesan: hadia kualidade ensinu, identifika nesesidade kada instituisaun, transperensia prosesu Edukasaun, no prestasaun kontas nian Tanba liu husi avaliasaun instituisaun sira oinsa atu hare ba Rekursu hatan ba espetativa merkadu trabalho nian”. Tenik MESSK Jose Honorio da Costa Pereira Jerónimo iha Salaun UNPAZ, 26/07/2023

Ministru ne’e akresenta, liu husi avaliasaun akreditasaun instituisaun no kursu sira hanaran papel fundamental atu bele kontinua promove nafatin kualidade ensinu ne’ebe diak liu tan atu kontribui ba dezenvolvimentu país nian

José Honório hatutan, Ministériu sei apoia atividade tomak ANAAA nian hodi avalia no regulariza ensinu superior públiku no privadu iha Timor Leste

“MESSK sei apoiu atividade tomak ANAAA nian atu halo avaliasaun ba kursu iha ensino superior tomak ne’ebé tama iha faze avaliasaun, iha ami nia mandatu sei hakas an atu halo lei balun ba ensino superior, Nune’e regulariza ensino superior públiku no privadu, maubere nian oan hakarak halo buat hotu tuir regras”. Nia dehan

Ministru ne’e fiar katak estudante UNPAZ Bele halo kursu ida tanba professor iha barak tebes, Mundu aktual hasoru dezafiu oin oin iha nivel Formasaun Rekursu humanu ne’ebe relasiona ho teknologia globalizasaun no kompetividade, dezafiu hirak ne’e obriga atu muda prefil graduadu sira nian

“Instituisaun Ensinu Superior prezisa adapta an ba mudansa hirak ne’e atu bele garante profisaun formasaun profisional sira ne’ebe iha kapasidade atu hasoru dezafiu iha mundo aktual ne’ebe global no kompetitivu, Kestaun ne’e obriga Atu ita nia instituisaun sira bele hatudu kualidade boot liu tan liu husi kriteriu ANAAA ne’ebe rigor no imparsial”. Nia haktuir

Iha Fatin Hanesan, Direitor Ezekutiva ANAAA,IP Nilton D. Paivamau haktuir Aktividades loron ne’e aktividade abertura ba avaliasaun, akreditasaun no asesmentu ba programátiku iha UNPAZ

“Objetivu husi avaliasaun ne’e atu haree kualidade ne’ebe maka kursu Emprendedorizmu fo hela ba estudante sira Ida ne’e sai hanesan etapa ida primeiru tanba emprendorizmu hanesan programa estudu ida ne’e be maka inisial akontese ona depois tenki avalia, tanba tinan ida ne’e Ami sei halo akreditavasaun, asesmentu ba kursu no instuituisaun ida, fo rekomendasaun ba sira oinsa atu bele garantia nia kualidade”. Nia Informa

ANAAA iha estadar sanulu ne’ebe oferese ba kada Instituisaun hodi avalia no akredita Sira

“Ami iha estandar sanulu maka ko’alia Koba-ba vizaun ho misaun, kurikulum estudante ho graduadus, finanseiru, infraestrutura sira, oinsa Ita haree estandar sanulu ne’e apar ho realidade ne’ebe maka programa estudu oferese ba estudante sira”. Nia konklui

Mensajen ba estudante sira iha UNPAZ hotu katak estuda makaas, estuda ne’e laos estuda ohin loron ne’e, estuda ne’e nia estuda to’o bainhira, tanba kualidade ne’e kualidade ida ne’ebe sustentabilidade

Enkuantu, Partisipa Iha Serimonia abertura ba avaliasaun ANAAA ne’e hetan partisipa husi MESSK Jose Honorio Pereira Jerónimo, Magnífiku Reitor UNPAZ ho Estrutura Universidade, Diretor ANAAA,IP. ho ekipa no Estudante sira, Portantu Avaliasaun ne’e sei La’o durante fulan ida serin no sei taka iha fulan outobru tinan ne’e

Jornalista: Ermelinda Soares