Terminal Bekora La Sufisiente Akumula Bus, KHUNTO Husu Guvernu Tau Iha OJE 2024
SAPNewsTL,Dili: Deputanda Bankada Kmanek Haburas Unidade Nasionàl Timor Oan (KHUNTO) Irene Gonzaga hatete parajem terminal bekora la sufisiente ba transporte públiku
“Iha kinta legislatura, ita nia membru sira Governu tau orsamento hamutuk atu hadia maibe realidade to’o agora nafatin klot hodi difikulta ba transporte públiku sira, Ita Haree terminal bekora ne kiik no klot tebes, nia fatin la sufisiente ba transporte públiku sira, liu liu ba bus ne’ebe husi Munisípiu haat ne’ebe mai Para iha ne’eba”.Tenik Deputada Irene Gonzaga liu husi Plenária iha Uma Fukun PN, 24/07/2023
Deputada ne’e akresenta, “Ita haree bus Lospalos rasik Labele para iha terminal a bekora tanba termina klot tebes entaun Sira tenki ba Para fali iha Pantai Kelapa, Bus Baukau ho Viqueque nian deit mos labele tama Hotu iha termina bekora tanba termina ne kiik oan tebes”.
Nia saleinta, dala barak mosu engrafamentu iha terminal bekora tanba estrada klot tanba ne’e husu ba Ministériu relevante hodi tau orsamentu jeral estadu 2024 hodi bele kria kondisaun ba transporte públiku sira
“Husu ba Ministériu relevante sira favor ida toma atensaun ba asuntu ne’e, tau Orsamentu Jeral Estadu (OJE) ba 2024 nian hodi kria kondisaun diak ba ita nia transporte públiku sira liu liu terminal bekora tanba Karreta para fatin Klot, sira tenki para deit iha estrada Ninin”. Nia husu
Tuir Observasaun Jornalista SAPNewsTL iha Terenu nota katak Terminal Bekora akumula Bus husi Munisípiu Lautém, Baukau, Viqueque, no Manatutu inklui Mikrolete Dili Ba Hera no Metinaru, Nune’e Terminal refere la sufisiente hodi akumula bus no mikrolete iha Ne’eba
Entretantu, Hafoin Notisia ne’e tun SAP News TL sei dauk halo komfirmasaun ho parte relevante liliu Ministériu Obras Públikas no Ministériu Transporte no Telekomunikasaun tanba sei okupadu ho servisu seluk
Jornalista: Ermelinda Soares