Felisiana Ho Idade 72, La Kolen Fila Liman Iha Kapitál Dili

SAPNewsTL, Dili : Avó Felisiana Mendonça ho idade hitunulu resin rua (72), husi Munisípiu Aileu, agora daudaun hela mesak iha Caicoli, Postu Administrativu Vera Crus, Munisípiu Dili Hala’o negosiu kiik ida hodi sustenta ninia nesesidade lor loron nian

Wainhira dada lia badak ho Jornalista SAPNewsTL, Avó Felisiana Mendonça ne’ebe halo hitunulu resin rua ne’é haktuir, Nia parte sente kontente ho atividade negosiu ne’ebe nia halo bele hetan osan hodi sustenta ninia nesesidade uma laran

“Ha’u nu’udar inan feto faluk kontente nafatin maske tuur deit iha estrada ibun no loron manas nia laran hodi fa’an Bua,malus, ahu,tabaku, Grupuk, mina no fohorai, hodi bele atende nesisidade Uma laran nian”, dehan Inan faluk Felisiana Mendonsa ba jornalista SAPNewsTL iha estrada ibun merkadu lama, tersa Feira (25/07/2023).

Felisiana akresenta Sasan Sira ne’ebé nia faan ne’e balun vizinu no estudante Sira nian mak lori mai tau hamutuk ba nia no Nia lori tu’ur iha estrada ibun hodi fa’an no nia sasan lolos ne’ebe nia fa’an mak Bua, malus ahu no tabaku.

Vizinu no Estudante Sira nian mak Mina fohorai no Grupuk kada nia mina fohorai no Grupuk ne’e mak ema sosa kada loron ida nia hetan 2 dolares husi nia vizinu no estudante Sira nia sasan ne’ebe mak fo ba inan ne’e, maske nune’e, maibe inan faluk ne’e la sente kolen hodi halo servisu refere

“Ha’u ho idade 72, maibe nunka sente kolen hanesan vendador ne’ebe faan Bua,malus, ahu,tabaku, Mina, fohorai no Grupuk iha estrada ibun hodi sustenta Ha’u Nia Uma laran”.

Felisiana iha oan nain 3, maibe entre sira, ida ho nia aman fila ona ba mundu seluk, oan nain rua ne’é forma ona uma kain iha tinan hirak liu ba

“Ha’u iha oan 3, maibe nain 1 ho Nia aman fila ona ba Mundu seluk no Hela nain 2 no Sira main rua ne’e Agora forma hotu ona familia no Hela dook husi ha’u, hau ho situasaun ida hanesan ne’e, Ha’u tenki tuur iha estrada ibun hodi faan sasan”. Nia konta

Nia dehan, husi Fila Liman ne’e loron ida bele hetan 3 to’o 5 $ maibe depende ema la’o iha estrada ibun Sira ne’e nia haree, hanoin no sosa produtu sira ne’e

Felisiana mos dala wa’in fa’an iha Merkadu Taibesse no Audian, maibe nia haree vendador sira mos barak mak faan hanesan ho nia, sena malu no baku malu tanba deit fatin atu tuur ba hodi rai sasan, Nune’e nia deside faan iha Centro Convenção de Dili,(CCD) besik Estatua Proklamador Francisco Xavier do Amaral nia sorin

Felisiana Mendonça mos husu ba Autoridade Munisipiu Dili no Ministériu relevante sira liliu Ministériu Komersiu no Indústria hodi tau matan ba Merkadu sira iha Kapitál Dili, Nune’e bele fasilita negosiante sira hodi fa’an sira nia produtu iha fatin ne’ebé Dignu

Jornalista : Antonio Tilman & Lidia Amaral