Malnutrisaun no Kiak Aumenta, INDDCA I.P Apresenta Relatóriu Analize Ba Linhas Ministeriais
Dili – Presidente Instituto Para Defesa dos Direitos da Criança (INDDCA I.P) Sr. Dinorah Granadeiro Servisu hamutuk ho Diresaun Jeral Estatíska Ministério Finansas no hetan apoiu husi UNICEF halo sosializasaun resultadu analiza situasaun labarik iha Timor-Leste ba linhas Ministériu sira hodi fo importansia ba promosaun direitu labarik.
Tuir Presidente INDDCA I.P Sr. Dinorah Granadeiro hateten, analiza situasaun labarik Timor Leste hanesan dadus ida ne’ebe mak iha ralatoriu ne’e kada tinan ne’ebe maka ministério finansas liu husi gestaun estatíska serbisu hamutuk atu haree kona ba situasaun labarik iha setor nutrisaun no saniamentu
“Objetivu ohin loron nia mak ita hato’o deskrisaun ne’e ba iha Ministério sira liliu ba diresaun planeamentu tamba iha diresaun planeamentu mak hanesan diresaun savi iha ministériu hodi desenvolve sira nia planu i orsamentu, relatóriu ida ne’e uja hanesan sai referénsia ida kada tina-tinan atu desenvolve sira nia planu no orsamentu..”Tenik Presidente INDDCA I.P ba jornalista Sapnewstl iha Salaun Auditorium Ministériu Finansa Aitarak Laran, terca feira (24/05/2022).
ʺAtu responde ba estado nia dever, direitu labarik iha Timor -Leste ho relatoriu ida ne’e bele ajuda ita hotu atu bele hadia prestasaun, sira nia servisu, mekanismu atu bele responde programa hodi hadia situasaun labarik iha Timor-Leste״.
Enkuantu, Situasaun aktual labarik sira nia 40% husi labarik ho total populasaun iha Timor moris malnutrisaun nia laran no iha kiak nia laran, Estado Timor-Leste atu hare katak oinsa mak atu hasai kiak ne’e liliu labarik sira ne’e, mekanismu saida mak ita nia estado kria, programa saida estado tenki kria, situasaun oinsa mak tenki estado kria, atu bele redus halakon direitamente.
Jornalista : Santina de Jesus Verdial
Editor : Natalino Paulo da Silva