Manorin Kontratadu 1.715 Ameasa Halo Demo Hasoru ME

SAPNewsTL, Dili – Professóres kontratadu 1.715 kontinua ezije Ministeiru Edukasaun Justifika, desizaun hapara professor kontratadu sira iha teritoriu nasional, laiha karta notifikasaun hodi hamosu tristeza ba professor sira, bainhira prosesu aprendizajen 2024 hahu la’o normal.

Tuir deklarasaun Portavos Agustinho Pinto informa, liu husi komunikadu impresa ne’ebe hala’o iha jardin 5 de maio Quinta (18/01/2024) hatudu katak professes kontratadu sira reafirma pozisaun nu’udar trabalhador hodi ezije Ministeiru Edukasaun responde ba provas hirak ne’ebe la asegura direitu e intresses legitimos dos cidadaões hodi hamosu lamentasaun ba professes kontratadu 1.715 iha teritoriu nasional

“Ami professores kontratadu sira triste, tuir lolos iha tempo inicio de aprendizajen hanesan ne’e, ami hamutuk ho ami nia oan doben estudantes sira aprende hamutuk iha aulas, maibe hanesan publiku hatene Ministra Edukasaun no Sekretariu Estadu Ensinu Secundario Jéral no Teknika Vokasional hapara tiha ami professor sira nia kontratu sem karta notifikasaun ruma maibe bandu ona ami professor sira labele hamrik tan iha aulas hodi hanorin no eduka ami nia oan estudantes sira”

Portavoz Agustinho salienta, desizaun ne’ebe Ministra Edukasaun no Sekretario Estadu asunto Ensino Secundario Jéral no tekniku vokasional foti halo sira senti triste tebes ho dezisaun refere tamba implika ba direitu professes kontratadu rihun ida resin, Ohin loron eskola balu taka ona tamba menus professor iha sala de aula

Exelensia nain rua uza deit mak sira nia arrogansia,hakarak maka hapara total professor kontratadu tinan 2023 nian,no la konsidera professor sira nia sacrificio no dedikasaun servisu voluntario tinan 10 liu ba molok hetan rekonesimentu husi mandatu governo da-8 liu ba, Dehan nia.

“Ami professoress kontratadu iha tinan 2023 hamutuk 1.715, lamenta attitude exelencia nain rua Ministra Edukasaun no Sekretario Estadu asunto Ensino secundario jéral no tekniku vokasional la respeita valores de boa governasaun no la asegura direito e intresses legitimos dos cidadaões”

Dirijente ne’e hatutan, Ministra Edukasaun no Sekretario Estadu asunto Ensino secundario jéral no tekniku vokasional atu resolve uluk problemas professor kontratadus 2023, Reclamantes no voluntarios molok loke teste bolsa kandidatu ba publiku.

Attitude Ministra Edukasaun no Sekretario Estadu asunto Ensino secundario jéral no tekniku vokasional la hatudu vontande nu’udar governante ida ne’ebe hetan komfiança husi Primero Ministro, Kay Rala Xanana Gusmão hodi tau intresse nasional a’s liu intresse privadu, maibe hakarak kria deit diskriminasaun ba professor sira. intesaun atu baralha deit Sistema edukasaun iha rai lulik ida ne’e hodi nune’e povo aileba nia oan sira labele assesu edukasaun ida ho diak no kualidade. Realidade mak povo nia oan sira sofre dadauk ona tamba menus professor Tenik nia.

“Ami povu kiik nafatin ezije Ministra Edukasaun no Sekretario Estadu asunto Ensino secundario jéral no tekniku vokasional labele haluha, professor kontratadus sira ne’ebe agora dadaun ami halibur a’n iha ne’e mesak nu’udar mate restu, sobrevivente, veteranos, martires no povo kik nía oan sira. Tamba ne’e ami iha direito tomak atu servi rai lulik ida ne’e liu husi vokasaun no profisaun ne’ebe mak ami iha”

Nia dehan ukun a’an ida ne’e liu husi ema barak nia terus no sofrimentu oi- oin, balu mate tamba ema oho,mate tamba hamlaha no balun lakon to’o ahin loron la hetan. Tamba ne’e bainhira hetan oportunidade atu servi povu no rai ida ne’e karik atu servi ho fuan hodi valoriza no fo honra ba heroi sira tamba ukun a’an ida ne’e nia finalidade maka povo tengke moris diak, povo nia oan sira tenke asessu edukasaun ida diak no kualidade.

Entertantu professor kontratadu sira ameasa katak laiha resposta husi Ministra Edukasaun maka trabalhador sira sei organiza masa husi munisipiu hodi halo asaun pasifiku ne’ebe makas hasoru Ministeiru Edukasaun iha loron 22 janeiru 2024 hodi defende direitu professor nian.

Nune’e ministeiru bele resolve estatuto professor kontratadu tinan 2023 nian tuir Decreto Lei No.31/2023 de 31 de Maio konaba estatuto karreira dos professors ne’ebe previsto ona iha artigo 11. Vigora regra administrasun funsaun publiku nian.

Enkuantu, Antes ne’e Ministra Edukasaun Dulce Maria de Jesus informa nia parte sei la renova kontratu professor kontratadu sira nian maibe sei servisu hamutuk ho komisaun funsaun públika hodi loke deit vaga ba professores foun iha tempu besik.

Jornalista : Juvita Sarmento & Ermelinda Soares